فلان: أنت من بتوع التحرير.. مش كده! علان: وفيها إيه يا عباسية! فلان: فيها أن احنا تعبنا وآن الأوان ترجعوا بيوتكم وكفاية وقف حال عشان البلد تشتغل والحال يمشي. علان: وسيادتك خارج من بيتك ليه ما ترجع أنت الأول.. ولا في التحرير عطلة وفي العباسية عجلة الانتاج بتلف مع نفسها! فلان: احنا كده بنلعب استغماية! علان: لا بنلعب سياسة.. تقول رأيك وتسيب غيرك يقول رأيه! فلان: لكن احنا أغلبية في العباسية! علان: لولا التحرير مكانش فيه ولا ميدان فيكي يا مصر.. ولا حد قادر يتكلم. فلان: بس مع كل مظاهرة في التحرير لازم تقفل بمصيبة! علان: لكن أنا ثورجي.. ومش بلطجي؟! فلان: هو ده مربط الفرس.. أعرف فين الصالح من الطالح.. والعملية بقت سلطة!! علان: طيب بدل الاتهامات ما تيجي نفتح العباسية علي التحرير ونسميه ميدان مصر! ابن البلد