قال الإعلامي الساخر باسم يوسف، إن المشكلة في أزمة الجزيرتين ليست في أنهما مصريتان أو سعوديتان، ولكن المشكلة في عدم احترام إرادة الشعب وغياب الشفافية حتى يعلم الشعب أن هذه الجزر انضمت للسعودية من خلال الجرائد وليس من الحكومة. وقال «يوسف» في منشور له عبر صفحته الشخصية على موقع التواصل الاجتماعي «فيسبوك»: « الموضوع مش إن الجزر دي مصرية ولا سعودية. الموضوع إن شعبك بيعرف إن فيه جزيرتين اتاخدوا منه من الجرايد». وتابع طارحًا عدة أسئلة: « يعني لو فعلا هي سعودية، بتحطوها في مناهج التعليم ليه على أنها مصرية؟ كنتم تقولوا إنها سلفة. طيب لو فيه مفاوضات شغالة، ماقلتوش ليه؟ إيه بنود التفاوض والاتفاق؟ ليه الموقف التفاوضي المصري فجأة اتغير؟ ليه رجعنا الجزر دي النهاردة مش من عشرة ولا عشرين سنة وأظن السعودية من عشرة عشرين سنة كان عندها جيش وقوات بحرية برضه». وأضاف: « يعني إيه تعامل شعبك كقطيع مالوش فيها عشان يصحى الصبح على الخبر ده؟ طب وضع الدستور اللي أنتم رقصتوم عشانه قدام اللجان؟ مش المفروض فيه استفتاء على الاتفاقيات اللي بتمس السيادة والأرض؟ طب مثلوا، طب اضحكوا علينا؟ طب عاملونا إننا شعب كده وكده زي ما بنعاملكم إنكم سلطة كده وكده»، حسب قوله. شاهد الصورة..