تداول نشطاء ومشاهير على نطاق واسع تدوينة كتبها أحد النشطاء توضح أن الشاب يوسف الشهير ب"بائع الفريسكا" ما هو إلا أداة إعلامية تم إستخدامها بأكثر من طريقة ومسمى لتوصيل رسالة معينة للشباب . ونشر كاتب التدوينة صورة ل"يوسف" يظهر في أحد البرامج مرة ك"بائع جندوفلي" وبعدها بفترة يظهر ك "بائع فريسكا" .. وعلق قائلاً: شاب الفريسكا هو أداة إعلامية .. طلع من فترة على أنه بياع جندوفلي في برنامج صاحبة السعادة بس الموضوع مسمعش أوي فتم إعادة إستخدامه بشكل جديد على أنه بياع "فريسكا" والنهاردة الجرايد بتعلن أنه جاله منحة من الجامعة الامريكية بواشنطن عشان يبقى رسالة للشباب أن العيب فيهم وأنهم مكسلين والموضوع سهل .. انت تجيب كل يوم طقم ب 2000 جنيه وتنزل بصندوق فيه فريسكا ب 30 جنيه عشان تعرفوا ان العيب مش في مصر "بحسب قوله" ونالت التدوينة إعجاب وإعادة نشر للعديد من المشاهير مثل الشاعر عبد الرحمن يوسف والمذيع مصطفى الحسيني .. بينما علق الناشط الحقوقي مالك عدلي على الجدل الدائر قائلاً: قصة الشاب بتاع الفريسكا دا بغض النظر عن كل تفاصيلها وما إذا كان بيشتغلنا أو كان شاب حقيقي دي قصة مؤلمة .. دا بني آدم بيحاول يقنعنا نبيع كل أحلامنا ونبيع ترمس ..يعني حضرتك لو أول دفعتك ف حقوق ارضي بالظلم واقبل انك متتعينش ف شغلانة محترمة بمؤهلك وتنازل عنها لصاحب الواسطة وبيع ترمس . ولو أول دفعتك ف اقتصاد وعلوم سياسية تخلي عن الشغل ف الخارجية وبيع ترمس ولو أول دفعتك ف أي كلية تانية تخلي عن انك تبقي معيد ثم استاذ جامعي وبيع ترمس .. تسول بشكلك الحلو وبيع ترمس..اثبت لكل اللي داس عليهم قطار الواسطة والمحسوبية انك مبتتكسرش وبيع ترمس .. اقهر امك وابوك واهلك بمؤهلك العالي وبيع ترمس .. بيع ترمس.. الترمس هو الحل .. ولا حول ولا قوة الا بالله. بينما دافع أحد النشطاء عن "يوسف" ناشراً صورة له من تصويره عام 2013 في قرية سياحية يبيع فيها "الفريسكا" بشكل اعتيادي وعلق قائلاً: طب من الاخر كدة ... يوسف او ايا كان اسمه .. "الراجل ده مكدبش" و (الصورة دي من تصويري في 2013) في قرية سياحية تسمى مارينا وادي دجلة .. و انا كواحد من ملاك في القرية اقدر اقول : لما طلع و قال انه كان بياع جندوفلي حقيقي .. القرية جابته لما لقت ان شكله محترم و ابن ناس و ممكن يخدم القرية بشكل كويس علي البحر ..كان بيبيع في القرية فريسكا و جندوفلي .. ولما طلع مع اسعاد يونس في صاحبة السعادة علي اساس انه بياع جندوفلي كان صح .. و فريسكا برضو مع محمود سعد فبلاش مزايدة لحد ما تعرفوا الحقيقة "بحسب تعبيره" صورة "يوسف" بمسميين مختلفين: الصورة التي التقطها له شاب عام 2013 :