قال الإعلامي عمرو أديب "عندي نصيحة بمليون جنيه، للمتقدمين للانتخابات البرلمانية القادمة، لا تتعب نفسك في قائمة ولا حاجة، لو سمحتوا خدوا بالكم من الستات". وأضاف أديب خلال برنامجه "القاهرة اليوم" على شاشة "اليوم": "ستات مصر، خلوا بالكم من صوت المرأة المصرية، ودورها فى الدستور، ودورها فى الانتخابات البرلمانية والرئاسية، وهى اللي هاتعمل فرق في الانتخابات الجاية، ولو عايزين تعملوا ظهير سياسي للرئيس السيسي، اهتموا بالسيدات". وأوضح أديب: "البرلمان القادم أقوي من الرئيس، والبلد بصراحة مش مستحملة، واللي عايز يساند 30 يونيو، ويعمل قلب نابض داخل البرلمان، لازم مساندة السيدات، ومش بقول البرلمان يبقي لون واحد، التنوع مهم، اللي بيحكم دائما في العالم اللي عندهم علم وذكاء، لكن الجاهل الغبي ملوش دعوة بحاجة".