بعثت سامية جاهين، ابنة الشاعر صلاح جاهين وأحد مطربي فرقة إسكندريلا، برسالة إلى الناشط علاء عبد الفتاح تواسيه فيها عقب وفاة والده الناشط الحقوقي أحمد سيف الإسلام حمد، وتعتذر له عن عدم قدرته تعزيته له خلال دفن الراحل أمس. وقالت "جاهين"، في رسالتها التي نشرتها عبر صفحاتها على الفيس بوك: "علاء كان عمره 4 سنين لما أبوه دخل السجن عشان كان بيدافع عن الحق، منى اتولدت وأبوها في السجن، خالد ابن علاء أتولد وعلاء في السجن علشان كان بيدافع عن الحق، أحمد سيف الإسلام مات بعد ما قهروا قلبه على ابنيه علاء وبنته سناء اللي في السجن النهاردة برضه عشان بيدافعوا عن الحق. وأضافت: دموعك عصرت قلبي يا علاء. دموعك ومنظر سناء وهي خارجة من عربية الترحيلات . الرفاق ندهولي ودخلوني الحوش عشان أبقى معاكم وما قدرتش حتى أجيلك أقول لك شد حيلك. ما اقدرش اشوف لا دموعك ولا دموع سناء ولا منى. وتابعت : شد حيلك يا غالي، أنا عارفة إن مافيش أي كلام في الدنيا ممكن يواسيك ولا يخفف عنك ألم الفراق والغضب والقهر، وعارفة إنك موجوع لكن مش مكسور، ف مش حاقول لك غير نفس الجملة اللي كنت باقولهالك من أول مرة اتحبست: "الدنيا كدب في كدب وأنت بصحيح".