قال المحمدي محمد - الشهير بأورتيجا - أنه تلقي العديد من العروض من الامن لكي يغير موقفه السياسي . وأضاف المحمدي في تدوينة علي صفحته : فى بدايه الامر قامت الداخليه بخطف بابا لمده يومين لمساومتى على تسليم نفسى مقابل اطلاق سراحه ! لقو ان مفيش فايده سابوه 2- بعتو ليا المفكرين بتوعهم عن طريق الفيس بوك يكلمونى عن ان الاخوان وحشين وعايزين يبيعو مصر وامريكا بتساعدهم .. ميعرفوش انى متربى على ايد الشيخ حازم فى اسد ابن الفرات 3-حولو تهديدى بالتشويه اعلاميا وان كل مصيبه هتحصل فى البلد هلبس فيها وان الامن الوطنى راصد كل تحركاتى وان الاكونت بتاعى تحت سيطرتهم بس هما مش عايزين يعملو ليا حاجه قال ايه اصلى غلبان وهما عارفين انى مش اخوان 4- اخر عرض وصل انى اعمل فيديو اقول فيه اسمى وانى من ثوار 25 وان الاخوان ضحكو عليا وهددونى بالقتل وافضح بقى الموامره الاخوانيه اللى بتحصل على البلد وشوف بقى يا محمدى لما تفضح الموامره ايه اللى هيحصل هتبقى رمز من رموز البلد واحنا يا ابنى مش عايزين ناذيك لان البلد فعلا محتاجه الشباب المخلصه اللى زايك