انفعل الإعلامي جابر القرموطي، مقدم برنامج "مانشيت" على قناة "أون تي في"، خلال تعليقه على خبر بأنه "لأول مرة توافق إذاعة القرآن الكريم إعلانات الحج والعمرة وترفض إعلانات السلع الاستهلاكية". ووجه القرموطي حديثه لرئيس إذاعة القرآن الكريم، قائلا: "يا سيدي ما حبكتش على دي، ما انت عندك مبني كامل الفساد مليه، بلاش الإذاعة دي يا ناس سيبوها في حالها، يعني جات على دي، ما تعمل إعلان في إذاعة صوت العرب ولا الشباب والرياضة ولا الشرق الأوسط". وأضاف : "دايما عايزين تبوظي كل حاجة حلوة لينا، وتفسدوا كل شيء جميل، دا انتم حتى معرفتوش تستغلوا البث الحصري لمحاكمات مبارك ومرسي، وأخدتها صدى البلد، اللي صاحبها أحد رموز نظام حسني مبارك". وتابع "يعني أيه الموقف لو حصل مشكلة مع الشركة اللي عملتهم إعلان ليها، ولو نصبت على الناس ولا عملت مشكلة في الحرم، أهي الموقف بقى.. يعني خلاص معدتش غير إذاعة القرآن الكريم، هي يعني حبكت وهي دي اللي هتنقذ ماسبيرو". شاهد الفيديو