فى حفل تأبين ضحايا حادث كنيسة القديسَيْن الأليم.. قال طارق المهدى محافظ الإسكندرية أمام جميع الحاضرين: بعد شهر من الآن اسألونى عما تم فى القضية.. كان هذا يوم 30 ديسمبر الماضى.. واليوم يمر شهر وأربعة أيام، دون أن يفصح السيد المحافظ عما تم فى القضية. يقال والعهدة على الراوى إن عددًا من الإخوة المسيحيين توجهوا إليه ودار هذا الحوار: مساء الخير يا طارق بيه. مساء النور أهلاً وسهلاً. إحنا جايين لسعادتك على الميعاد بعد مرور شهر حسب وعد سيادتك. خير.. يا ريت تفكرونى؟ حضرتك قلت لنا فى كنيسة القديسَيْن، بعد مرور شهر اسألونى عما تم فى القضية.. إيه اللى تم بقى يا فندم؟ أيوه أيوه.. الموضوع خلِص خلاص. خِلِص إزاى يافندم؟ الوليَّة رجعت لجوزها من كام شهر، وقرَّبِت تولد، وانتو لسه فاكرين تسألوا دلوقتى؟!