الصورة اللي ف وسط الساحة دي راسمها شهيد بالدم النازل بملامح مصرية أكيد وبفعل قانون الجاذبية بين طينة الأرض وأولادها الدم بيرسم أشكاله أروع م الايد و الصورة بترسم ملامحها الأرض الحاسة بتباريحها وهطول الأمطار وبريحها بتقول للعالم بفصيحها مسئولة الأم اللي بروحها وجريحها ما جابتش وليد والصورة دي طلعت لبهية الأم اللي عيونها سخية بإيدها بتعزق وبتزرع ف قلوينا شجر الحرية وثمارها اللي بتطرح فينا ثورة ونشيد ولكل شهيد شجرة بتطرح لجدوره فصيلة وفصيلة ( O ) المصرية معطاءة أصيلة بتعوض دم اللي انجرحوا باروع توصيلة بالدم اللازم للتربة ومطرح ما تريد والجرح دا لو ما يموتشي دايمًا بيفيد بينور ضلمة أيامنا ف التلج يقيد نشهد به الأرض اللي اتغمت قطعت ف قلوبنا وما اتلمت إلا بوليدها اللي اتسمت باسمه ووحيد ابن الحرية المتربي أبو قلب حديد وإن مات راح ينزل من جرحه مصراوي جديد يديها ومش عاوز ياخد اللي أنت تشوفه وتتاخد ياخدك إحساسك ويشقشق ف ضلام العيد ف شوارع عشق بتسترجل فيها المواليد أرسل مقالك للنشر هنا وتجنب ما يجرح المشاعر والمقدسات والآداب العامة [email protected]