كشفت الفنانة وداد حمدي في حوار نادر لها تفاصيل أغرب موقف مر بها داخل الوسط الفني ، مؤكدة أنها كانت ترتبط بعلاقة صداقة قوية بالفنانة هدى سلطان . وقالت "وداد" في الحوار الذي أجرته معها الإعلامية "صفاء أبو السعود" : "أكتر حاجة كانت بتوجعني لما المخرجين كانوا يقولولي (خشي يا وداد اعملي الشويتين بتوعك) .. كنت بحس بمهانة". وأضافت: "أنا مكنتش بعمل أي حاجة في شغل البيت في بيتي بس لما بروح البلاتوه بنسى نفسي ، ولما كبرت ومبقاش عندي حد يساعدني بقيت أتبسط أوي وأنا بعمل شغل البيت واكتشفت إن جوايا خدامة زي ما الناس كانت بتشوفني في السينما". وتابعت: "أقرب صديقة ليا الفنانة هدى سلطان وكنا بنزور بعض كتير وبشوف كل إخواتها وعلى رأسهم فريد شوقي .. وفي يوم من الأيام أخوها أحمد شوقي وقع في حبي وطلب يتجوزني لكن أهلها رفضوا وقالوا (ازاي تتجوز واحدة كانت بتشتغل خدامة في أفلام هدى سلطان)". وأضافت: "لم أهتم بالأمر وإن كانت القصة دي أثرت على علاقتي بهدى سلطان ".