كشف نشطاء على مواقع التواصل الاجتماعي قصة الطفل "زين" الذي يظهر اسمه في العديد من إعلانات رمضان دون أن يُعرف من هو. وقال أحد النشطاء المقربين من أسرة الطفل: "عارفين مين اللي في الصورة تحت ده .. ده " زين " اللي معموله إعلان ومحدش فاهم الإعلان بتاع ايه .. الطفل دة اسمه زين يوسف .. زين مصاب بأسوأ أنواع السرطان و أندرهم و هو سرطان الخلايا الجذعية و مش بس كدة دة كمان من الدرجة الرابعة من و هو عنده 3 سنين .. نوع السرطان دة نادر جدا و بيتم اكتشافه فى الصدر والبطن والعظام والنخاع و برغم أن سن زين صغير إلا انه بدأ رحله علاجه الصعبه من كيماوى و عمليات و علاج بالإشعاع و التجارب السريرية و بعد لما خلص المرحلة العلاجية الأولية هاجم السرطان مخه بعد شهرين بس .. و حاليا زين مازال بيحارب السرطان". وأضاف: " تخيل و هو بيحارب أسوأ أنواع السرطان .. زين بيروح المدرسة و بيذاكر و بيدرب تايكوندو و معاه الحزام الأسود .. الشهر دة زين تم 10 سنين و مازال فى رحلته و بيحاول .. و هله عندهم أمل كبير و عمرهم ما حسو باليأس برغم إن زين صغير على مرض خطير زى دة و عشان ميحسش إنه لوحده عملوا الإعلان اللى بنشوفه فى القنوات وتقريبا ده الحاجة الوحيدة الكويسة اللي اتعرضت في التلفزيون .. ربنا يشفيه يارب ويصبره علي الألم ويصبر أهله ويعوضه خير يارب".