حذر الإعلامي تامر أمين، الحكومة من قرار شركة الشرقية للدخان بزيادة أسعار السجائر المحلية، قائلا: "احذروا غضب الخرمانين". وقال "أمين"، ببرنامج "الحياة اليوم" المذاع عبر فضائية "الحياة": "ده خبر مؤسف خاصة إن السجاير الكليوباترا اللي يشتريها مواطن بسيط وغلبان تزداد قيمتها بهذه الطريقة". وتابع: "مائة مرة قلت للحكومة والمؤسسات لما تيجوا تغلوا غلوا على الطبقات القادرة مش الناس الغلابة". وتابع أمين: "الشرقية للدخان هي اللي بتنتج المستورد والمحلي، هي اللي بتنتج مارلبورو وبتنتج كيلوباترا، يبقى لما تيجي تغلي تغلي مارلبورو وتسيب كيلوباترا، أنا عارف إن التدخين ضار بالصحة وزى الزفت، بس فيه طبقات كادحة مبتقدرش تستغنى عن الدخان". واستطرد أمين: "الفواعلية والعمال دول اللي يومهم عبارة عن كوباية شاي وسيجارة، لو مفيش دول يومهم مبيكملش وهيبقوا خرمانين".