على غرار سائق التوك توك ، تداول نشطاء على مواقع التواصل الاجتماعي فيديو من حلقة برنامج العاشرة مساءً الذي يقدمه الإعلامي وائل الإبراشي لرجل على المعاش من بورسعيد يشكو الأوضاع الاقتصادية . وأثار الفيديو موجة ضخمة من التعاطف عبر "فيس بوك" حيث قال الرجل: "لما طلعت معاش 100 ألف جنيه طلعولي فأجرت بيهم محل 10 شهور فتحت منهم 6 شهور وقفلت تاني بعد ما وضبت وعملت الديكورات ، ومع الوضع الموجود في البلد لقيت نفسي غرقت واضطريت أسلم المحل وأصبحت دلوقت بعتمد على المعاش مع الغلاء والرعب اللي احنا فيه ، كل يوم والله ما بنام عايش في رعب ، اكل ايه ونجيب منين؟". وأضاف: "همشي اشحت بعد العمر دة كله؟ أنا كنت عايش بكرامتي النهاردة اللقمة مش لاقيينها يعني ناكل كل يوم فول وعيش .. أقولك ايه؟ عيب أقول الكلام دة .. لازم الدولة تحس بينا مع الغلاء دة كله نعمل ايه وذنبنا ايه؟ معديش حاجة أبيعها .. مش قادر وصاحب مرض وتعبان ، بمشي أقع في الأرض ، الكرامة بتتفقد كل يوم عن يوم هتحول لحرامي أو مجرم في السن دة؟ .. أنا بطلب من ربنا الموت .. يرحمني بدل الذل اللي أنا فيه ". الفيديو: