لو قلب الشاعر يعجز والعندليب ينشز تموت الغنوة فى مكانها ويختفى الموال.. اسمع يا عزيزى قانون الطوارئ كان أصله إنجليزى وكان الغرض منه حماية الاحتلال.. خرجوا الإنجليز واحتفلنا بالجلاء.. لكن فضل الاحتلال يفعل ما يشاء.. من فضلك.. ممكن سؤال.. مين اللى باع البراح وحط الوطن فى شوال ومين القرداتى اللى قال القرد ف عين أمه غزال.. عموماً ده ما يخصناش ده يخص القرد وأمه والدنيا تلاهى يا عم وكل واحد ف همه.. والسكر ع البطاقة والزبالة ع الإيصال.. والنور مقطوع سنين والمية عند مين يا مصر العاشقين فى العشق مفيش فصال..