أنا المصرى.. أنا ابن النيل.. أنا لست ناصرى ولا ساداتى.. أنا ابن الأرض ابن الطين.. اللى ربانى ورعرعنى.. أنا ابنك يا مصر.. أنا اللى بنيت تاريخك وأمجادك.. أنا اللى بنيت أهراماتك وأبوالهول جدى.. أنا المظلوم اللى مصوا دمه ونخاعه.. أنا ابن عرابى اللى خانوه.. فى معركة التل الكبير.. اللى كان عاوز يحق الحق ليكى يا مصر.. أنا ابن رغيف العيش.. اللى لطخوه بالطين والدود والمسامير.. وأصبح بالبطاقة يا خلق هوووه.. أنا ابن النفيس وابن رشد.. وزويل والمسيرى.. أنا اللى طرحت العلم للدنيا.. والذرة من نتاج فكرى.. أنا اللى حفرت القناة وأنا فى ضهر جدى.. بضوافرى.. واختلط دمى بمياه البحرين.. حرام يا مصر يهدوا مجدك الغالى وتاريخك.. لا.. دول موش ولادك يا مصر.. دول .. الأنا.. عشش فى أمخاخهم.. ودول موش منك.. أنا ابنك.. أنا المصرى.. شربت من نيلك.. واختلط الغرين.. بدمى وعظمى ونخاعى.. وفى الآخر.. أنا المصرى! مفتش عام بالأوقاف