عم مرسى جارنا ساكن.. جنب بيتنا من زمان.. أسطى باشا فى الموبيليا.. يحكوا عنه كان وكان.. إيده تتلف فى حرير.. الزباين عنده ياما كتير كتير.. الغلابة والمدير.. جه فى مرة الشيخ جلال.. قاله عايز كرسى بس يكون تيفال.. يبقى منى هدية لجناب الوزير.. اللى خللى الكرسى يتحول سرير.. بطنه بقماش حرير.. ونام وريح.. حس إنه مستريح.. رد عم مرسى قال.. تسلم الفكرة يا شيخنا.. عمر ما شوفنا فى تاريخنا.. حد م الكرسى استقال.. إلا ويا كرسى عم الشيخ جلال.