هاجم مجدي عبدالغنيي، نجم الأهلي السابق، محمود عبدالمنعم «كهربا»، مهاجم الفريق الأول لكرة القدم بالنادي الأهلي، وذلك بعد أزمته الأخيرة مع الجهاز الفني للفريق الأحمر. كان محمد رمضان، المدير الرياضي بالنادي الأهلي، قر عودة اللاعب محمود عبدالمنعم كهربا إلى القاهرة وعدم استكمال مهمته مع زملائه بالفريق في بطولة السوبر المحلي التي تقام في الإمارات. وأضاف رمضان، في بيان، أمس الإثنين، عبر صفحة النادي الأهلي على موقع التواصل الاجتماعي «فيس بوك»، أنه تقرر توقيع عقوبة مالية قدرها مليون جنيه من مستحقات اللاعب المالية، نظرا لما بدر منه بالأمس عقب مباراة سيراميكا كليوباترا. وقال مجدي عبدالغني، فيي تصريحات تلفزيونية عبر فضائية «الشمس»: «الكابتن كهربا، للأسف الشديد، يعني النادي الأهلي وقف جنبه بشكل كبير جدًا، وعمل معاه كل حاجة، وجاب ناس تتبرع بالغرامة، وعمل إعلانات عشان ميدفعش كتير فلوس الغرامة، دفع حاجات بسيطة من جيبه والباقي الناس اللي دفعتله». وأضاف: «كهربا، بقاله فترة بيشارك ومش بيهدف، لذلمك لا يعتمد عليه كولر، بشكل أساسي، كولر هو صاحب وجهة النظر الفنية، الإدارة لا تتدخل في أي أمور فنية، بدليل لما كنا بنلعب الخطيب، كان بيقعد احتياطي، والجمهور ييطالب بمشاركته، وكان لما بينزل يجيب جون». ووجه عبد الغني رسائل إلى كهربا. قائلاً: «أوعى تفتكر إنك أكبر من الأهلي، ده للأسف اللي اللعيبة نسيته، اللعيبة تخيلت انها أكبر من الأندية من كتر ما الأندية بتعرض فلوس لضم اللاعبين». وواصل: «النادي اللي باقي وإنت إلى زوال الأندية مستمرة، محدش أكبر من ناديه». وأتم: «متفتكرش إنك أكبر من الخصم خاصة لو ليك ماضي، إنت ليك فيديوهات بتقول بتحب الزمالك وبتموت في تراب الزمالك، مينفعش بقى تخرج عن الإطار في الأهلي، الناس فاكرة ماضيك مفيش حاجة بتتمسح».
