رد إبراهيم سعيد، نجم الأهلي والزمالك ومنتخب مصر السابق، على تصريحات الإعلامي أحمد شوبير، بشأن إمام عاشور، لاعب خط وسط الفريق الأول لكرة القدم بالنادي الأهلي. وقال إبراهيم سعيد، في تصريحات تلفزيونية عبر فضائية «النهار»: «الكابتن شوبير، قال (التدريب شديد والتركيز عالي، والسنة دي هتكون مختلفة مع إمام عاشور)، نتمنى ياكابتن شوبير، إن السنة دي فعلا تكون مختلفة مع إمام عاشور». وأضاف: «كويس إن إمام عاشور، لحق نفسه لو هو عايز يلحق نفسه وتكون دي البداية اللي نشوف فيها إمام عاشور، متألق في الملعب ومكسر الدنيا زي ما أشادنا بيه قبل كده». وتابع: «لو شوفنا إمام عاشور، بالمستوى الذي ظهر عليه في الفترة الأخيرة الأمور هتبقى صعبة، الكورة في ملعب إمام عاشور، يا يكمل مشواره ويكون من نجوم الأهلي ونجوم منتخب مصر، يا إما الناس هتنساه». وأتم: «أتمنى من الكابتن شوبير، يوصل لإمام عاشور الرسالة دي، يا يكمل الطريق وجمهور الأهلي يشيله على الأعناق زي ما شال أبوتريكة ومحمود الخطيب، ورافعهم السما»، مضيفًا: «أتمنى إمام عاشور، يركز في الملعب فقط، لأنه لو خرج بره الأهلي مش هيعمل تاريخ، إنت في سنة مع للأهلي حصلت على دوري أبطال أفريقيا اللي عمرك ما كنت تتوقع أن تتوج بها ولعبت كأس العالم للأندية».