شن رضا العزب لاعب الزمالك السابق، هجومًا لاذعاً على حازم إمام ومحمد بركات أعضاء مجلس إدارة اتحاد الكرة المصري، بعد خسارة منتخب مصر الأولمبي بشكل قاسي أمام منتخب المغرب ب6 أهداف دون رد. وقال رضا العزب في تصريحات تليفزيونية عبر برنامج «بلس 90» المذاع على شاشة «النهار»: «حازم إمام وبركات مش هتشوفهم غير والمنتخب كسبان، لكن لم نخسر مش هتشوف حد فيهم، وملهومش دور، فرحانين بالمنصب اللي هما فيه». وأضاف: «أحمد شوبير ومجدي عبدالغني لما كانوا موجودين حققوا نجاحات كبيرة، وكابتن سمير زاهر كان في حته تانية، أما اللي موجودين دلوقتي محطوطين صورة وخلاص، ومن ساعة ما الناس دي مسكت الكورة اتدمرت كل حاجة بقيت عشوائية المنتخب الأول والأولمبي وكله». وأكمل: «تصريحات ميكالي مفبركة، أة لعيبة الأهلي لو موجودة كانت هتفرق، بس أنت كسبت إسبانيا من غير الأهلي». وأتم نجم الزمالك السابق: «أي حد عايز يتعلم يبص للنادي الأهلي، مش بطبل، الأهلي هو اللي يفرح الشعب المصري، 2006 و2008 في المنتخب كان في 8 أساسي من الأهلي».