وجه أحمد القندوسي لاعب النادي الأهلي، والمعار حاليًا لفريق سيراميكا كليوباتر، عن رسالته ل زميله السابق محمود عبدالمنعم كهربا نجم النادي الأهلي، بشأن مستواه مع الفريق في الفترة الماضية. وقال القندوسي في تصريحات تليفزيونية عبر شاشة «أون تايم سبورتس»: «كهربا شخص نضيف وقلبه صافي وبيحب الناس كلها، حتى لو مستواه فنيًا مش أحسن حاجة بس مش بيكره الخير لحد». وعن منافسة وسام أبو علي وكهربا، قال القندوسي: مستوى كهربا تراجع الموسم الماضي، ووسام أبو علي متألق بشكل كبير، وغالبًا ممكن تكون حاجات برا الكورة اللي مأثرة عليه. ووجه القندوسي نصيحة ل كهربا: «بقوله اتجوز هو ده الصح يعني، أنت محتاج تشوف عيال الفترة دي، وياريت متتأثرش بالكلام السلبي واشتغل عشان تغير وجه النظر السلبية، اتعب واشتغل وربنا يكرمك». وأتم القندوسي رسالته ل كهربا قائلًا: «أنت فرود والفرقة كلها بتعتمد عليك وعندك الإمكانيات فوق نفسك واسترجع مستواك وهتبقى أحسن من الأول، مين كان بيقول أن محمد عبدالمنعم هيروح نيس الفرنسي»