تحدث أحمد القندوسي، لاعب الأهلي السابق، والمعار حاليًا لفريق سيراميكا كليوباترا، على الفارق بين عبدالله السعيد نجم نادي الزمالك، ونجمي الأهلي إمام عاشور ومحمد مجدي أفشة في الأداء والمستوى والتأثير مع الفريق. وقال القندوسي في تصريحات تليفزيونية عبر شاشة «أون تايم سبورتس»: «كل واحد من اللاعيبة سواء السعيد أو أفشة أو إمام عاشور مميز في حاجة، أفشة مثلا بيعرف يتمركز كويس، وإمام عاشور بيعرف يلف بالكورة ويرقص ويعمل أسيست عالي». وأضاف: «عبدالله السعيد شغله مختلف خالص، بيعرف يتمركز ويباصي ويساعد الفريق، وعلى الرغم من سنة الكبير ما شاء الله في ناس سنها 24 مش بتعمل المجهود اللي بيعمله، وهو حريف». وأتم القندوسي تصريحاته: «أنا مثلا مش بحب أدافع بس مع كابتن أيمن الرمادي بقيت أعمل ده، والأقرب لمدرستي ممكن يكون عبدالله السعيد، ومحمد إبراهيم لاعب سيراميكا الحالي».