وجه الإعلامي أحمد شوبير حارس مرمى الأهلي ومنتخب مصر السابق رسالة نارية بخصوص الجدل الدائر في الساعات الماضية بشأن حكم مباراة السوبر الإفريقي المرتقبة بين الأهلي والزمالك. ويواجه الأهلى بطل دوري أبطال إفريقيا الزمالك بطل كأس الكونفدرالية يوم 27 من الشهر الجاري في السعودية على لقب السوبر الإفريقي. اقرأ أيضًا: شوبير يوقع على عقود انضمامه لقناة الأهلي (خاص) وقال أحمد شوبير: «مباراة السوبر الإفريقي بين الأهلي والزمالك فيه تقارير بتقول إن الحكم الليبي معتز الشلماني هو اللي هيدير مباراة السوبر، أهلا وسهلًا بيه لإنه بدأت أقرأ من بدري إن الحكم ده عمل وسوى وبوظ يا جماعة الأمور مش بتمشي كده لو جينا مين مش هيعجب حد». وأوضح شوبير: «أنا كنت رافض يبقى حكم مصري لمباراة السوبر مكنتش مستحسنها تماما فقالوا معتز ده حكم كويس جدا وغيره من الحكام الجيدين». وتابع شوبير: «هو إحنا ممكن كل واحد يشوف شغله يشوف حاله هنقعد نقول الحكم ده ضد الأهلي والحكم ده ضد الزمالك، وعشان تنجح احسبها، زمان قالوا ذاكر تنجح مش عيط تنجح مش الطم تنجح مش نوح وصرخ تنجح، فالناس تذاكر عشان تنجح». وأضاف شوبير: «أمي كانت تقول لي كتر النواح يعلم البكا فيا ريت تذاكر منقعدش كل شوية أصله الحكم عمل أصله مش عارف إيه، أنا مش بكلم على مباراة السوبر، وإنت أكيد بتبقى عارف أخطاءك بتبقي طالع من امتحانك اللي هي مباراتك عارف أخطاءك إيه، فكل الاعتراضات دي وكل الكلام ده مالوش أساس من الصحة».