عبر أيمن أشرف، نجم النادي الأهلي السابق، والبنك الأهلي الحالي، عن رأيه في تفاوض المارد الأحمر مع الدولي التونسي محمد علي بن رمضان، للتعاقد معه خلال فترة الانتقالات الصيفية الجارية. وقال أيمن أشرف في تصريحات عبر شاشة «أون تايم سبورتس»: «محمد علي بن رمضان بالتأكيد لاعيب كويس جدًا طبعًا، فكرة أنه يجي النادي الأهلي أو ميجيش ده قرار مجلس الإدارة والمدير الفني، ولكن بشوف إن النادي الأهلي فيه عناصر مميزة جدًا في نص الملعب بمركزي 8 و10». وأضاف: «في رأيي إمام عاشور مميز جدًا في المركز ده، وكمان عمرو السولية رغم أنه مشاركش كتير الموسم اللي فات ولكن في حته تانية، وفي محمد مجدي أفشة كمان لاعيب كبير وبيخلص ماتشات كبيرة، وبيسجل أهداف حاسمة».
