علق سيد عبدالحفيظ، مدير الكرة السابق بالنادي الأهلي، على تصريحات نجوم نادي الزمالك، بشأن حصول الأهلي على عوامل مساعدة. وقال سيد عبدالحفيظ، في تصريحات تليفزيونية عبر برنامج «الكورة مع فايق» المذاع على قناة «إم بي سي مصر 2»: «هذا طرح غير مفهوم، ولكن مهم جدًا أن يبقى في تنافس وتاخد لقب، ده من حقك وبتشتغل عليه وبتاخد عوامل المساعدة ولكن حقوقك الشرعية». وأضاف: «أصحاب العقول الصغيرة دايمًا بتتكلم على ده وده ومشغولة باللي حواليه، ولكن أصحاب العقول الكبيرة دايمًا بتبص على الهدف وأنها تبقى ناجحة». وتابع عبدالحفيظ: «الأهلي بياخد حقه وبيعرف ياخد حقه كويس أوي، في إطار اللوائح والقوانين، (اللي بيحضر العفريت يصرفه) لكن مع الأهلي لأ.. مش هتعرف تصرفه غير بمذاجه». وأردف مدير الكرة السابق بالنادي الأهلي: «3 أمثلة حصلت، هاني سعيد ومحمد ناجي جدو، أحمد الشيخ، كانت رغبة اتحاد الكرة أنهم يروحوا نادي الزمالك، لما وقفنا وقفت لوائح وقوانين كانت معانا وإحنا اللي صح، فكدة خدنا حقنا بالقانون واللوائح».