كشف أحمد عادل عبد المنعم حارس مرمى النادي الإسماعيلي والأهلي الأسبق عن كواليس جلسته مع مسئولي أحد مسئولي الزمالك للأنضمام للأبيض بعد رحيله عن النادي الأهلي. قال أحمد عادل عبدالمنعم في برنامج «ملعب أون» رفقة الإعلامي سيف زاهر المذاع على فضائية «اون تايم سبورتس»: «مارتن يول لو كان كمل في الأهلي كنت بقيت في حتة تانية، لعبت معاه ماتشات كتير وكنت ماشي معاه كويس لحد ماتش الزمالك في نهائي الكأس اللي اتهزمنا فيه، وبعدها اقترب من الرحيل». وتابع: «لعبت 8 مباريات قمة وأحلى ماتش ممتع كان ماتش القمة بتاع 3-3 عشان كان ماتش رايح جاي، والجماهير فرقت معايا كتير في حباتي». وشدد عبد المنعم: «جالي عرض من الزمالك وقعدت مع أحمد مرتضى منصور بس بعد ما رحلت عن الأهلي لما كنت في مصر المقاصة، لكن لم اشعر بالراحة وتراجعت بعدها في الخطوة دي بسبب تعلقي بالأهلي ومينفعش أخون المكان اللي اتربيت فيه». وأكمل: «أحمد ناجي صاحب فضل عليا عشان هو اللي صعدني فريق أول وطارق سليمانه وعلاء ميهوب وحسام البدري وجوزية اللي اداني القصة كاملة». وزاد: «أيامي مع حسان البدري كانت صعبة بسبب انه كان عنده قناعة أن مفيش احمد عادل عبد المنعم، بس كان بيعاملني كويس جدًا وانا احترمت قراره».