كشف الفنان تامر ضيائي، عن وصيته، وذلك بعد تعافيه من الإصابة بجلطة أُصيب بها مؤخرًا، إذ تلقى العلاج في إحدى المستشفيات. نشر تامر عبر حسابه الرسمي ب«فيس بوك»، منشورًا يكشف فيه وصيته، وكتب في عنوان المنشور «وصية»، وقال فيه: «بوست وصية ده هيفضل باين على صفحتي لحد ما أموت، الحقيقة اللى كلنا عارفينها ومتأكدين منها أننا كلنا ربنا كاتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد». و أضاف: «صلاة الجنازة أهم من العزاء وهي اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو اتعمل في البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولى الوقت اللى هتقروا فيه جزء فضوا نفسكم واقعدوا ادعوا فيه». و تابع: «بلاش صدقة جارية تقليدية وسهلة ومش مستفاد بيها يعنى المصاحف كتير في مصر أوى وكل بيت فيه كتير فممكن نحط الفلوس في جامع بيتبنى أو كرسى متحرك في مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء«. وصية مؤثرة من تامر ضيائي واستكمل: «حاجات ناس تستفيد بيها لمدة طويلة، دى نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا»وأبيضت عيناه من الحزن فهو كظيم». وأردف :«أهم حاجة تانى هي الدعاء وبس والصدقة،من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنة ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى في ليلة زى دى». وأختتم: «اللي بيحبوني يدعولى كتير عشان لو مفيش حد يدعيلى، ودى مهمة أوى أوى أوى عاوز الكل يسامحني على أي حاجه عملتها فيه بقصد لو يدون قصد». اقرأ ايضا : إصابة تامر ضيائي بجلطة مفاجئة.. ما القصة؟
