«لعنة مصر ويجب التخلص من هذا الحمل».. أثارت تصريحات الإعلامي عمرو أديب عن الموظفين في القطاع الحكومي، عبر برنامجه «الحكاية» جدلا واسعا عبر مواقع التواصل الاجتماعي خلال الساعات الماضية، خاصة مع استشهاده بالقطاع الخاص قائلًا: «أنتوا مش بتشوفوا القطاع الخاص بيشتغل إزاي، اللي مايجيش يتخصمله وبعدين يمشي». تصريحات الإعلامي عمرو أديب عن الموظفين بالدولة ولم تكن هذه هي المرة الأولى التي يهاجم فيها عمرو أديب الموظفين في القطاع الحكومي، حيث اعتاد أديب انتقاد الموظفين خلال السنوات الماضية، سواء عبر برنامجه أو من خلال حسابه الشخصي على منصة «إكس». ففي 6 مارس 2019، قال أديب: «طول ما متقدرش ترفد موظف عام، هيفضل الإهمال منتشر بشكل عام وهيفضل يزيد عام وراء عام». وتابع أديب: «بعض الموظفين المحترمين يرد: على قد فلوسكم بنشتغل.. طيب يا سيدي استقيل وروح اشتغل في أي مكان يقدر مواهبك العبقرية، فتجده يرد بكل قوة: لإن ده حقي وحق عيالي، قاعد على قلبكم للأبد». طول ما تقدرش ترفت موظف عام حيفضل الاهمال منتشر بشكل عام وحيفضل يزيد عام ورا عام. — Amr Adib (@Amradib) March 6، 2019 بعض الموظفين المحترمين يرد على قد فلوسكم بنشتغل. طيب يا سيدي استقيل وروح اشتغل في أي مكان يقدر مواهبك العبقريه فتجده يرد بكل قوه لاااااا ده حقى وحق عيالى قاعد على قلبكم للابد — Amr Adib (@Amradib) March 6، 2019 وانتقد الإعلامي عمرو أديب في 5 مارس 2023، خلال برنامجه «الحكاية» عبر شاشة «mbc مصر» موظفى الحكومة، قائلًا: "فيه حاجة غريبة في مصر وهى إن كل واحد عاوز يتعين وخلاص سواء في الصحة أو التموين أو غيره"، مضيفًا: «أغلب المواطنين في مصر بيعشقوا الوظيفة الحكومية علشان يضمن العلاج والمعاش والتأمين وأول ما يتعين يروح يشتغل في حتة تانية». وجاء ذلك تعليقًا على الجولة التفقدية التي أجراها الدكتور خالد عبدالغفار وزير الصحة والسكان، لمركز صحة أهالينا بمدينة السلام، ومستشفى السلام التخصصي التابع لأمانة المراكز الطبية المتخصصة، وهى الجولة التي شهدت رصد عدة مخالفات أبرزها تغيب مدير المستشفى. ووجه أديب رسالة للمتغيبين عن العمل، قائلا: «فيه عزبة وميغة كلنا مظبطين بعض، أي مصلحة حكومية في مصر بيحصل فيها الكلام ده». عمرو أديب عن الموظف المصري: سيظل لغز الألغاز في فبراير 2024، واصل عمرو أديب انتقاد الموظف المصري حيث وصفه بأنه سيظل لغز الألغاز، وجاء ذلك تعليقًا على جولة الدكتور خالد عبدالغفار، وزير الصحة والسكان، للمنشآت الطبية في جميع محافظات الجمهورية يوم الأحد 18 فبراير 2024، والتي أسفرت عن فتح تحقيق بشأن تغيب أعداد كبيرة من الفرق الطبية من العاملين بمستشفى قويسنا المركزي في محافظة المنوفية. وقال أديب: «اللي ميجيش يترفد، والباقي هيعرف إن الله حق، هو القطاع الخاص شغال ليه؟!»، متابعًا: «لن تتقدم مصر إلا بالإصلاح الوظيفي، لازم يبقى فيه hire and fire». وأضاف: «الموظف العام بيشتغل على قد فلوسنا، يجيب وسايط الدنيا عشان يتعين وبعدين ما يروحش ويغيب، إلا الناس اللي عندها ضمير وبتراعي ربنا». وتابع: «اللي ما يجيش يتخصمله وبعدين يمشي زي القطاع الخاص». عمرو أديب: الموظف الحكومي لازم يحس أنه هيترفد في 3 فبراير الماضي، قال عمرو أديب: «الموظف الحكومي اللي ما بيترفدش لازم يحس أنه هيترفد». وتابع: «في الحكومة مفيش رفد آخرك خصم 5 أيام». الموظفون في القطاع الحكومي أعاد الإعلامي عمرو أديب انتقاد الموظفين في القطاع الحكومي، مشيرًا إلى أن لعنة مصر هي الموظفين. وأضاف أديب، في تعليق ببرنامجه «الحكاية»، عبر قناة MBC مصر، أمس الجمعة 10-5-2024: «الموظف اللي قاعد وما بيشتغلش وبيقبض وبياخد أرباح، أنتوا مش بتشوفوا القطاع الخاص بيشتغل إزاي، اشمعنى دول بيكسبوا، وشركات الحكومة بتخسر؟!». وتابع: «الجرأة في التخلص من هذا الحمل محتاجينها تزيد شوية»، مستطردًا: «الناس في مصر عارفة الحل، لكن القوى اللي ضد التغيير هي اللي مانعة إن ده يحدث، عشان واحد ياخد آخر السنة أرباح ألفين جنيه يهد بلد بحالها!».
