استمعت محكمة جنايات القاهرة المنعقدة بالتجمع الخامس، اليوم الإثنين، للمجني عليها «فتاة المعصرة» في قضية هتك عرضها على يد عاطل أثناء سيرها بالشارع في منطقة المعصرة. وقالت فتاة المعصرة أمام هيئة المحكمة: «اللي حصل أن وأنا مروحة على البيت كان معايا واحدة صاحبتي اسمها مريم، کنا ماشين في الشارع كان منور وفاضي وأنا ماشية كان في واحد على الناصية بيتكلم في التليفون وقال كلام أنا محسبتهوش عليا، وكملت ماشي، مافيش ثواني راح حاطت إيديه على جسمي من ورا، وأنا اتخضيت وصوت وهو طلع يجري وأنا جريت وراه وفضلت أقول حرامي وكان في واحد معرفهوش كان واقف في الشارع مسكه، وفي حد تاني نزل من العربية، الناس اتلمت وسألوني حصل إية قولتهم تحرش بيا، وبعدها طلعوا زجاجة من جيبه». محاكمة المتهم بهتك عرض« فتاة المعصرة» وأضافت فتاة المعصرة: «تحرش بيا وكان عايز يعتدي عليا لولا إني صوت والناس اتلمت علينا في الشارع، وقتها حاول يهرب فقررت إني أقول (حرامي .. حد يمسكه)، ولكن لما اتمسك قولت للأهالي بأنه تحرش بيا مسرقش مني حاجة بس علشان كنت عايزه الناس تمسكه علشان أخد حقي منه». كانت محكمة جنايات القاهرة المنعقدة بالتجمع الخامس، حكمت اليوم الإثنين، بالسجن لمدة عامين وغرامة مالية قدرها 10 آلاف جنيه، بحق المتهم بهتك عرض فتاة المعصرة بالقوة في منطقة المعصرة. صدر الحكم برئاسة المستشار محمد أحمد الجندي، رئيس المحكمة، وعضوية المستشارين إيمن عبدالخالق، ممدوح حلمي، وأمانة سر محمد جبر، ومحمد سيد. وكشفت التحقيقات في القضية رقم 12265 لسنة 2023 جنايات المعصرة والمقيدة برقم 2875 لسنة 2023 كلي حلوان، عن قيام المتهم ««جون.و» بهتك عرض فتاة المعصرة «ف.ك»، بالقوة أثناء سيرهما في الشارع برفقه صديقها أقدم على ملابسه جسدها وعندما تصدى له حاول الهروب لكن أهالي المنطقة تمكنوا من الإمساك به وابلغوا رجال الشرطة وبمواجهته أقر باتكابه الواقعة.
