علق الإعلامي أحمد شوبير حارس مرمى الأهلي ومنتخب مصر السابق بشكل قوي على الأزمة المشتعلة عبر وسائل التواصل الاجتماعي والسوشيال ميديا بين الجماهير عقب استبعاد الثلاثي حسين الشحات وإمام عاشور وطارق حامد من صفوف منتخب مصر. وقال أحمد شوبير: «كلام كثير في الأيام دي عن الشحات وعاشور وطارق حامد وعايز أسال وإن ده استبعاد متعمد وفيه حالة من التربص من الجهاز الفني عشان الثنائي الزمالكاوي حازم إمام وأيمن عبدالعزيز، حضرتك سؤال عشان الكلام ده مجرد سؤال بسيط لو فيتوريا لم يضم الثلاثي كانت هتبقى مؤامرة ولا عادي.. أعتقد عادي الشحات فيه مكانه مرموش وتريزيجيه، وإمام عاشور لو سليم وفي حالته مش هيستبعد، ومعلوماتي الشخصية كان هيلعب شوط على الأقل أمام سيراليون». وتابع شوبير: «كمان عندي نقطة مهمة أنت كنادي أنت لما بتاخد قرارات تأدييبة حد بيقول لك ليه وخالد بيبو خرج وقال ما يحدث في المنتخب شأن داخلي ليس لنا به علاقة يعني أنت لما عاقبت افشة حد كلمك لما الزمالك عاقب فتوح وصبحي حد كلمه». وأضاف شوبير: «فيه ناس بتتكلم على السوشيال اللي أهلاوي وزملكاوي واللي تلاقيه بيهاجم بقوة ومش شايف غير فانلة الأهلي أو الزمالك ما إمام عاشور كان متاخد في معسكر الإمارات ولما اتصاب مع مباراة الأهلي تم استبعاده طيب ده منظر مدرب متربص بلاعب، ولما لعب مباراة واحدة بعد كده وظهر كويس رجع منتخب تاني أنا مش بدافع عن حازم إمام ولا أيمن عبدالعزيز أنا بقول الأحق وأيهما أهم منتخب مصر وكأس العالم ولا فوز الأهلي ولا الزمالك ببطولة». واختتم شوبير: «يا جماعة محدش عايز يخسر مكانش خد فتوح معاه المنتخب كل المدربين عازين يكسبوا وعايزين الصالح».