علق الإعلامي أحمد شوبير حارس مرمى الأهلي ومنتخب مصر السابق بشكل غاضب على الجدل الدائر بشأن إمام عاشور وما إذا كان الأهلي يفاوضه أم لا خلال الفترة الحالية. وشهدت الأيام الماضية جدل شديد بشأن الربط بين إمام عاشور لاعب فريق ميتيلاند الدانمركي ونجم الزمالك السابق وبين الانتقال للنادي الأهلي خلال فترة الانتقالات الصيفية الجارية. وقال أحمد شوبير في تصريحات له اليوم الثلاثاء: «بالنسبة لموضوع إمام عاشور تحس كل واحد بأه هو رئيس النادي الأهلي ده يقول إمام ما ييجيش والثاني يقول لا دي ييجي.. هو فيه إيه يا جماعة ما ينفعش اللي بيحصل ده». وتابع أحمد شوبير: «عشان كده دائما بقول لمجالس الإدارات ابعدوا عن الحاجات دي، الجماهير رافعة شعار في المدرجات صالح سليم مش ناسيينه إمام عاشور مش عايزينه، جميل، بس صالح سليم نفسه اللي قال الأهلي لا يدار من المدرجات». وأوضح حارس الأهلي السابق: «في عصر الكابتن صالح سليم إبراهيم سعيد مشي من النادي الأهلي وكان فيه حالة غضب ورجع ودي قصة معروفة عشان الناس تبقى عارفة اللي بقوله، لكن أنت كجمهور قول رأيك إمام عاشور لا يصلح للنادي الأهلي أو إمام يصلح للأهلي ودورك هنا انتهى». وأضاف شوبير مختتما: «أنا مش بقول الكلام ده عشان حد يقول بمهد لإمام عاشور ولا حاجة، أساسا مفيش تفاوض بين الأهلي وإمام عاشور».
