كشفت كندة علوش، سر انتظارها عرض فيلمها «نزوح» في مصر بعد نجاح العمل في المهرجانات خارج مصر، وقالت إنها سعيدة برد فعل الجمهور في سينما «زاوية»، الذي شاركها حضور العرض الخاص. وعبرت «علوش» عن رأيها في عرض الجمهور بالسينمات المصرية قائلة: «أنا سعيدة وكنت منتظرة عرضه في مصر لأني بحس إن الجمهور المصري مش بيرضيه أي حاجة، وجمهور عنده ذوق جدًا في اختياراته، أو ذوقه صعب كمان، عشان كدا أنا مبسوطة واتمنى يكون الفيلم عجبهم». وأضافت كندة علوش في تصريحاتها: «أنا حبيت الفيلم لأنه كان كوميديا سوداء، ولما صورته حسيت أني عشت الشخصية دي، ولما عملت الدور دا حسيت أكني عشت لحظات الحرب اللي كانت هناك». وتابعت: «مشهد الفيلم في النفق أنا بحبه وكان من أصعب المشاهد، لأنه جالى فيه اختناق لأنني لدي مشكلة مع الأماكن الضيقة، والمخرجة سؤدد كعدان خدت المشهد 3 أو 4 مرات وكنت كل مرة بموت لأنني لم أستطيع التنفس ومرعوبة، وكنا في تركيا في مغارة كبيرة جدا، وده كان من أصعب المشاهد لي في الفيلم».
