قالت الفنانة نهى العمروسي إن الفنان محمد رمضان أقوى وأنجح من الفنان أحمد السقا، وإن نجاحه يشبه نجاح الفنان الكبير عادل إمام. وأضافت نهى العمروسي خلال لقائها في برنامج «Vip» مع الإعلامية أميرة بدر، ردا على سؤال فنان حقق نجاح عادل إمام في الدراما والسينما، محمد رمضان، أم أحمد السقا، لترد قائلة: «محمد رمضان، وأنا لست أقارنه ولكنه ناجح وشاطر ومتنوع في أعماله، وبيعمل شو في كل حاجة بيقدمها لأنه شاطر، يشبه ممثلي بيوليود. وتابعت ردا على سؤال مين أنجح محمد رمضان ولا أحمد السقا: محمد رمضان لأن قدراته التمثيلية أعلى. نهى العمروسي ل يوسف الشريف لو شايف إن التلامس حرام شوفلك شغلانة تانية» كانت أثارت الفنانة نهى العمروسي جدلا واسعة بحديثها عن فكرة رفضه للتلامس في الأعمال الفنية، هو وبعض الفنانين. وقالت نهى العمروسي، خلال لقائها مع الإعلامية أميرة بدر ببرنامجها Vip: «بشوف الناس دي مش محترفين، مينفعش أدخل على أبويا وأنا راجعة من السفر مايحضنيش اللي بيمثل دور أبويا، ماينفعش أكون قاعدة في البيت بالإيشارب، المحجبين مبيقعدوش في البيت بالإيشارب، مينفعش واحدة بتعمل دور أختي في مشهد محضنهاش مينفعش إحنا بنمثل». وتابعت نهى العمروسي: «يوسف الشريف بيرفض التلامس، هو حر وأنا لازم أحترمه بس أنا حرة إني أقول لأ، إنه مش محترف وده مش فن، مينفعش إنت تحطلي شروط وإنت شايف إن ده حرام متلعبهاش خالص، لكن إنت راضي إنك تشتغل الشغلانة دي تشتغلها بمصداقية أو تشوف شغلانة تانية».
