فتح المستشار مرتضى منصور، رئيس نادي الزمالك النار على طارق مجدي، حكم مباراة الفريق الأول لكرة القدم بالنادي الأهلي مع فاركو. وحقق الأهلي فوزًا صعبًا على فاركو، بهدفين مقابل هدف، في المباراة التي اقيمت بينهما مساء الثلاثاء، ضمن مباريات الجولة الثامنة من بطولة الدوري الممتاز. وقال مرتضى منصور، في تصريحات تليفزيونية عبر فضائية «الزمالك»، :«الزمالك بيكسب بمجهوده، اللي عمله طارق مجدي في مباراة الأهلي يفوق الوصف، الأهلي لديه لاعبين مميزين ومش محتاج حد يساعده عشان يكسب». وأضاف: «أنت حسبت 6 دقائق وقت بدل ضائع بتزود دقيقة ونصف من عندك ليه؟ لحد ما الأهلي يحرز هدف، التحكيم مش هيمشي كده». وتابع: «مين بيحط الحكام؟ طارق مجدي بيحب الأهلي أكتر من سيد عبدالحفيظ وعنده مصايب سودة كتير، لحد امتى هنقعد نجامل الأهلي، مش ممكن كل المباريات مجاملة للأهلي!». وأردف: «مفروض أنت قاضي في الملعب، اللي بتعمله غلط، أنا حسبت 6 دقايق وقت بدل ضائع ثم أضفت دقيقة ونصف، ده ياما ضربات ركنية في الدقيقة الأخيرة الحكم يرفض لعبها، حتى لا يحدث مشاكل، وإنما طارق مجدي مستني الأهلي يسجل هدف».
