قال الإعلامي عمرو أديب، إنه يقسم المعارضة إلى 3 أقسام؛ موضحًا: «في قسم معنديش معاه أي كلام، دول الناس اللي بتقبض أو بتشغل مع أجهزة مخابرات، هو شغال لتحقيق أهداف خارجية، يعني هو نفسه مش مقتنع بيها». وأضاف أديب في تعليق خلال برنامجه «الحكاية»، الذي يعرض عبر قناة «إم بي سي مصر»، اليوم الجمعة: «وفي الناس المعارضة اللي هو في وضع مش عجبه أو سياسيات مش عاجباه، ده معنديش معاه مشكلة، اللي يعارض يعارض، إنت مش عجبك إنت حر». وتابع: «في نوع تالت ده اللي أنا بحتقره، على فكرة دول بيبانوا في الأيام الرمادي، في جزء منهم من المثقفين شكلهم مثقفين، مش ماسك العصاية من النص ماسك العصاية من التلت، يبان معارض بس هو مش عايز يبقى معارض جامد لأنه مش مستعد يدفع تمن المعارضة، بس هو مستني اللحظة اللي ممكن يعبر فيها عن معارضته عشان لما تيجي تكلمه يقولك إزاي ده أنا كنت معارض، دول أنصاف المعارضة». وأكمل: «النوع التالت ده هتلاقوه منه كتير، وخاصة في الأيام الرمادي، وفي العكس اللي بيقول رأيه في كل حاجة، ولما يجي الموقف اللي المفروض نسمع فيه رأيه ميقولش، هو ساكت ومستني اللي يحصل، اللي مستني اللي يحصل وساكت زيه زي اللي عايز يهدها على دماغنا كلنا». عمرو اديب: بنقسم المعارضة 3 اقسام.. قسم بيشتغل بتمويل لتنفيذ اجندات خارجية.. وفي معارضة عادية لسياسات لاولويات.. وفي نوع تالت بحتقره (بيمسك العصاية من التلت) تقدر تشوف الحلقه كامله على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/Lj41m61mYd — الحكاية (@Elhekayashow) November 4، 2022
