وجهت الفنانة نهلة سلامة، رسالة شكر لوالدتها الراقصة الشهيرة نوال الصغيرة، قائلة: «أمي ربنا يخليهالي، كافحت معايا، مهما عملت مش هأقدر أرد لها اللي عملتهولي، ربنا يخليكي ليا متشكرة على كل تعبك، ربتيني دخلتيني مدارس فرنساوي، انتي نقطة ضعفي». ولفتت نهلة خلال لقائها مع الإعلامية راغدة شلهوب، في برنامج «سابع سما» المُذاع عبر فضائية «النهار»، إلى أن والدتها ووالدها لم يسلما من الشائعات، نافية ما تردد عن خيانة والدتها لوالدها، وأن يكون ذلك سبب الطلاق. وأوضحت نهلة السبب الحقيقي وراء الطلاق، قائلة: «أمي صعيدية وكانت غيورة جدًا، وأبويا عايش حياته، وكان بيخرج مع ستات، فأمي طلبت الطلاق، العكس تمامًا اللي حصل، مش زي ما الناس بتقول». وعن كرهها لوالدها، قالت نهلة: «والدي هو السبب فيما وصلت إليه، حسيت إنه عاوزني أعتمد على نفسي زي الخواجات، لو محتاج حاجة وأنا أقدر مش هتأخر، لكنه كويس، طول الوقت بيسافر وعنده حفلات، وأنا مش زعلانة إنه كتب نصف الثروة لأختي، ربنا بيعوض، وعشان تبقى واخدة بالها من فلوسه».