أصحاب المزاج العالى بيسألوا عن سر اختفاء الحشيش.. السبب إن الناس أصبحت مسطولة خلقة.. الناس مسطولة من ارتفاع الأسعار.. مسطولة من البطالة والظلم والفقر وتزوير الانتخابات فكرة أن المواطن المصرى ممكن ينضرب- بسبب أو بدون سبب- لحد الموت فكرة تسطل!.. أحوال العمال وزراء البيزنس وزراء الصدفة.. امتحانات الثانوية العامة إلى كبار البلد نفسهم مبيعرفوش يحلوها الخضار المروى بمياه الصرف الصحى واللحمة اللى بدودها!.. رفض مصر الانضمام إلى بروتوكول مناهضة التعذيب أفكار تسطل اللى ميتسطلش!.. وفكرة إننا بكرة مش هنلاقى بق الميا اللى إحنا راضيين بيه كده بصفاره وكلوره ودوده!.. كمان فكرة تسطل!.. وبما أن الناس مسطولة خلقة بقى الحشيش بيفوقهم ويخليهم يروقوا ويفكروا ويعترضوا ويتظاهروا.. ولأن مقولة فناننا الجميل محمود عبدالعزيز فى فيلم الكيف: «لازم ندوش الدوشة بدوشة أدوش من دوشتها» طلعت نظرية كيف عالية جداً!.. لاحظها المسؤولون ومن منطلق إن مبروم على مبروم ميرولش.. وإن الأقطاب المتشابهة تتنافر.. كان لابد من سحب الحشيش من البلد عشان الناس تفضل فى غفلة. [email protected]