جمع الغلابة وقال صلوا عا لى اسمه بيجرى فى دمنا النهارده ها كلمكم كلام كتير و خطير بيهدد شرع ربنا انتبهوا يا مسلمين يا موحدين واعرفوا مين عدونا الاسلام فى خطر والملايين متجمعين في كل الميادين وقال إيه عملوا ثورة ها تلمنا وم الفاسدين والمحتالين ها يرجعوا مصر إلى اتسرقت مننا نسيوا الحرب المقدسة إلى هي اصلا واجبنا كلنا ::::::::::::::::::::: اصحوا واعرفوا الحقيقة وسر المصيبة إلى ها تجر الخراب وتجوع شعبنا الواد كميل دا اصله عميل وعبد المسيح بقا وزير تسليح جاهز لضربنا وكامليا اسلمت قاموا خبوها وداروها عننا وعبير اسيرة بتنادى فينا النخوة ما هى برضو اختنا هدفنا مش اسرائيل ولا القدس وفلسطين ولا اشباح متربصين بيقطعوا لحمنا هدفنا اكبر من كده زحف بالنار والدسايس على ابراج الكنايس الى بتحتلنا وان شا الله تولع مصر ب إلى فيها بس نحافظ على عرضنا :::::::::::::::::::::::: اسمع بقى يا لى الفساد زرعك في ارضنا لسانك بينادى بالخراب وجهلك هايهد حلمنا لو بنتك "فاطمة" حبت "حنا" وبقت على دين راجلها ايه العمل ؟ هاتحبسها ولا راح تقتلها زى مانت طالب كاميليا وعبير سيب بنتك فاطمة بحرية تختار مصيرها وسيب أمنا مصر بالأمل تزين طريقها