أصدر الفنان وليد فواز بيانًا توضيحيًا حول طلاقه من الفنانة مي سليم. وقال «فواز» في البيان: «الحمد لله رب العالمين..وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ» صدق الله العظيم، مضيفًا، «قدر الله ماشاء فعل- اللي حصل النهاردة دة تصحيح لوضع كان من الأساس غلط والحمد لله أنه تم دلوقتي مش بعد كدة، ورغم أن كتير افتكروا إني تسرعت في إعلان الخبر على السوشيال ميديا..إلا أني اتعودت أكون واضح مع نفسي وجمهوري اللي طلبت منه الدعاء بعد الضغط على من قبل البعض وتصدير كم كبير من المشاكل ولدرجة وصلت للتشهير بي لإصراري على الطلاق». وواصل، «أنا بعترف فعلا إني اتسرعت في الجواز وافتكرت للحظة أن الحب كاف لكن في الحقيقة الحب مختلف تماما عن الواقع، المرة الجاية حيكون اختياري قائم على العقل أكتر من العاطفة علشان أعمل أسرة بجد أكمل بيها حياتي..والحمد لله إن الجوازة لم ينتج عنها أبناء، ربنا يوفق الجميع والله المستعان».
