أمان يا مصر وألف أمان لقينا مكتوب على بابك قبل الزمان دا بألف زمان وبنقرا دايما فى كتابك اسمك وسام جوه القرآن والكل صلى فى محرابك نيلك ما يبخل على عطشان والعز ساكن فى ترابك وآدى الهلال ويا الصليب عايشين حبايب ف رحابك الاتنين سوا على أى غريب تخطى رجليه أعتابك شمس الأخوة مش ح تغيب والنصر دايما لشبابك بس الزمان دا مالهش أمان ساعات كده نلقاه يغدر ويروح يوسوس للجدعان عشان يشوه فى المنظر يركب دماغهم ألف شيطان وف خط سيرهم يتأمر ووراه بيمشوا فى التوهان ميعرفوش مين المصدر بيشمّتوا فيكى العدوان ودى النتيجة مش أكتر والحق بعدين لما يبان والمستخبى ف يوم يظهر الكل راح يرجع ندمان يشد شعره ويتحسر يقول يا ريت دا كله ما كان بس الندم جه متأخر دا شعبنا مش زى زمان دا شعب واعى ومتحضر عمره ما فرّق بين أديان فيه الكنيسة والأزهر وقلبه عامر بالإيمان ما يقولشى غير الله أكبر أبوحمص - بحيرة