مصر نهار خارجى أسود غميق البطل ماشى بيتمخطر وهبوط مفاجئ ف الطريق وأتوبيس عطلان بيشد أتوبيس غريق والناس بتتفرج وبتقول يا ساتر يا رب ياه... المشهد التانى... نفس النهار الأولانى والشمس بتروح ومين عارف إمتى تعود تانى وعربية إسعاف برتقانى بتنادى بمنتهى الرقة ع الشارع السكران طينة لو سمحتى يا أختى من فضلك يا أخينا والدكتور بيطلب من الميت يقول آه.. بصوت عالى صوّر يا فتحى عشان نلحق الموسم..