طالب خالد علي، المرشح الرئاسي السابق، الجمعة، عمال مصر بمواصلة النضال، موضحًا بقوله: «مطالبنا هناخدها بالنضال، والنضال في إننا ننظم نفسنا في نقابات وأحزاب عشان حركتنا تبقى حركة جماعية». وقال «علي» في مؤتمر جماهيري عقدته حركات وأحزاب سياسية في حلوان، احتفالاً بعيد العمال: «مصر مليانة موارد وخير لكن مواردها مسروقة ومنهوبة، وكل الكلام اللي بيتقال عن نقص الموارد كدب وخداع، بُص على السيارات والشقق في المدن الجديدة والفيلات وأنتم تعرفوا إن البلد دي فيها فلوس ولا لأ؟، وإحنا عايزين العدل واللي يقول كلمة يبقى قدها». وأشار «علي» إلى أن مطالب الحد الأدنى والأقصى للأجور لم تتحقق، فضلا عن أن المواطنين يواجهون الضرائب بطريقة غير مباشرة على المأكل والملبس، بالإضافة لسوء أحوال المدارس والمستشفيات الحكومية. وتابع: «الفساد يزيد بعد ثورة 25 يناير لأنه مفيش محاربة له، وكل اللي مصوا دمنا في عهد مبارك، بقينا نقولهم أنت سرقت 100 مليار جنيه حلال عليك بس هات 50 مليار، وده يبقى تستر على الفساد». واختتم بقوله: «ثروات مصر وخيراتها تنهب، وللأسف بدل ما يشغلوا عمالنا ويعملوا عدالة اجتماعية جايين يكملوا برامج الخصخصة».