عبد اللطيف المناوى: السيدات والسادة مساء الخير لا يمكن بناء دولة مدنية قوية دون وجود أحزاب متنافسة يراهن المحللون أن الإنتخابات القادمة سوف تشهد ولادة الدولة المدنية بها أحزاب حقيقية ذات تيارات مختلفة لها وجود حقيقى فى الشارع تعمل من أجل بناء الدولة وليس الصراع الشخصى السيدات والسادة لعب حزب التجمع دورا مهما فى المعارضة منذ منتصف السبعينات قاد المظاهرات قدم المقترحات وكان له وجوده البارز فى البرلمان ثم جاءت فى النهر مياه كثيرة كما يقولون وإختلفت الأمور يقول البعض أن الحزب تقاعد بعد تقاعد زعيمه التاريخى خالد محى الدين والبعض يقول أن الحزب تراجع دوره فى الشارع والبعض يقول سوى جريدة الأهالى التى تعانى هى الأخرى من مشاكل مشابهة والبعض يقول أن الحزب تراجع وجوده فى الشارع وتفرقت كوادره فى التنظيمات والجماعات الصغيرة المتظاهرة والسؤال الذى نطرحه اليوم هل تستطيع الإنتخابات القادمة إعادة حزب التجمع إلى دوره مرة أخرى وتواجده فى الشارع ؟ السيدات والسادة توقفنا الحلقة الماضية أمام حزب الوفد الحزب الأعرق واليوم نتوقف أمام حزب التجمع الحزب الأكثر جدلا والأمل فى حضوره كبير فى المرحلة المقبلة وهما الحزبان اللذان من الممكن أن يقودا معارضة حقيقية فى دولة مدنية ننراهن عليها نستمع اليوم إلى وجهة نظر دكتور رفعت السعيد رئيس حزب التجمع أهلا بيك يا فندم دكتور رفعت السعيد: أهلا وسهلا عبد اللطيف المناوى: أبدأ معاك فى البداية دكتور رفعت السعيد: من المقدمة عبد اللطيف المناوى: من المقدمة لك تعليق على المقدمة دكتور رفعت السعيد: أه طبعا عبد اللطيف المناوى: أسمع تعليقك على المقدمة دكتور رفعت السعيد: شوف طبعا أسهل الأشياء هو أننا نوجه كم كبير من الإنتقادات أنا لا أدعى أن حز التجمع فى أفضل حالاته لكننى أدعى أن حزب التجمع هو الحزب الأكثر قدرة على توجيه معارضة إيجابية وجادة وفاعلة وحاسمة وإذا نظرنا إلى المنتج العام فى المجتمع لا يمكن إن أحنا تحتسب محاولة دعم وجود المرأة فى البرلمان بعيدا عن المعارك التى خاضها حزب التجمع دفاعا عن المرأة ودفاعا عن حقها فى الوجود فى البرلمان ودفاعا عن حقها كقاضية ودفاعا عن حقها فى المساواة و لايمكن أن تحتسب معارك الوحدة الوطنية دون أن تضع فى الإعتبار أن حزب التجمع ربما هو الحزب الوحيد الذى يخوض معركة الوحدة الوطنية بجدية متحسبا من مخاطر تفتيت الوطن و لايمكن أن تحتسب قضية مواجهة تيارات التأسلم السياسى دون أن تنظر إلى دور حزب التجمع وهكذا وأنا عايز أقول بقى أن البعض الذى يروج لهذا يروج لكى يقول أن الحزب ضعف لأنه دافع عن الأقباط أن الحزب ضعف لأنه دافع عن الوحدة الوطنية أنه ضعف لأنه واجه تيارات التأسلم السياسى عبد اللطيف المناوى: وفى المقابل لا يمكن أيضا أن تحتسب أن هذه التساؤلات التى الموجهة إلى حزب التجمع لا تأتى إلا تحت مظلة الرغبة الأكيدة فى أن يعود حزب التجمع إلى تبوء موقعه الطبيعى الذى ينبغى أن يكون فيه منذ البداية دكتور رفعت السعيد: بالضرورة بالضرورة وأنا عندى إنتقادات أكتر منك أكتر من إللى إتقالت عبد اللطيف المناوى: طب بعد مقدمتك التى ردت على مقدمتى ندخل فى الحوار دكتور رفعت السعيد: أتفضل عبد اللطيف المناوى: وهنا أبدأ معاك فى البداية الموضوع الأكثر حضورا فى الساحة هذه الأيام هى مسألة الإنتخابات والمشاركة فى الإنتخابات قوى سياسية متعددة كانت قوة سياسية معارضة أينما كان حجمها كانت داعية إلى مقاطعة الإنتخابات أنتم من الأحزاب التى قررت أن تخوض الإنتخابات ملاحظاتكم على هذه الإنتخابات ؟ وعلى أسلوبها وطريقتها وطريقة إداراتها ؟ السؤال هو على أى قاعدة إتخذتم هذا القرار وإلى أى مدى بتعتقدوا أن هذا القرار كان قرارا صائبا ؟ دكتور رفعت السعيد: على قاعدة أن الوجود فى المعركة الإنتخابية هو جزء من مهام أى حزب سياسى وعلى قاعدة أن العمل الجماهيرى الذى يصاحب المعركة الإنتخابية هو مهمة أساسية يتعين أن لا يتخلى عنها أى حزب المقاطعة هى ليست بداية الإحتجاج على عدم الشفافية المقاطعة هى قمة الإحتجاج على عدم الشفافية لأن أنت ما بتقاطعش لوحدك أنت عايز تقاطع لوحدك ؟ ما فى ناس مقاطعة مقاطعين وقاعدين عل القهاوى يعنى مفيش مشاكل فالقضية الحقيقية هى كيف تصعد بالرأى العام وتنميه وتقويه وتحفزه إلى الإدراج بأهمية الشفافية فى الإنتخابات ؟ والإدراج بأهمية التكافؤ فى الإنتخابات لكى يصبح قادرا فيما بعد على الإنصات فى الشعارات الأكثر تطورا ثانيا فى الإنتخاب الفردى عملية صعبة جدا إجراء إنتخابات وهخيبقى الوضع أنا قلت قلتلك عليه لو كنا قاطعنا الوطنى دلوقتى وأحنا موجودين بيرشح تلاتة فى الدايرة وأربعة فى الدايرة وخمسة فى الدايرة وأحنا لو مقطاعين كلنا هيرشح عشرة ويدخل فى الإنتخابات تحت شعار كلهم أولادى عبد اللطيف المناوى: الوطنى فى مواجهة الوطنى دكتور رفعت السعيد: مش هيقول كده هيقول كلهم أولادى وتعالوا أيها العالم تعال أتفرج على نزاهة الإنتخابات أللى أحنا عاملنها وفعلا هتبقى نزيهة لأنوا هيزور ضد فلان محمد عبد السميع مترشح ضد على عبد السميع ومعاهم حسن عبد السميع فكله عبد السميع فى عبد السميع عبد اللطيف المناوى: عيلة عبد السميع دكتور رفعت السعيد: عيلة عبد السميع وطبعا إختيار أسم عيلة عبد السميع جاء مصادفتا دى أول حاجة لو إن أحنا عندنا إنتخابات على أساس القائمة يبقى القوائم تنسحب يبقى هنا فيه مقاطعة جدية نمرة تلاتة أنا عايز أقول أنا مهمتى إنهاض الرأى العمومى الرأى العام وأنا دايما أقول تعبير حفظته ومش قادر أنساه قاله رفاعة الطهطاوى إن للرأى العمومى سلطان قاهرا على قلوب الحكام أحنا عايزين نيقظ الرأى العمومى ده وعايزين نحركه معانا وعايزينه يبقى شريك لينا وهى معركة بالغة الصعوبة لأنك تسير فى إتجاه ضد التيار على فكرة لأنوا خلاص أفسدت الحياة الإنتخابية بفعل فاعل فى كثيرا من الأحيان المواطن رايح يدور يشوف مين أغلى ؟ اللى بيشترى الصوت أغلى من التانى عبد اللطيف المناوى: مشاركتكم كيف يمكن أن تكون أحد العوامل المصححة لهذا المناخ الذى ساد المعركة الإنتخابية أو الأجواء الإنتخابية بشكل عام ؟ دكتور رفعت السعيد: أن يخوض هذه المعركة محذرا الجمهور من أن من يشترى صوته ما بيشترهوش لا صدقة ولا إحقاقا للحق ولا أى حاجة بيشتريه علشان يصرف له 5 ، 6 مليون أو 10 مليون ثما ينهب فى مقابل ذلك 20 ، 30 مليون فى صورة بقى نفقات علاج على نفقة الدولة أو كذا أو كذا حتى يا راجل دا باعوا تأشيرات الحج يعنى باعوا التدين وهكذا أو تقسيم أراضى عبد اللطيف المناوى /إذنا أنتم ستقومون بمحاولة كشف وتصحيح دكتور رفعت السعيد: محاولة تصحيح العلاقة بين الناخب والمرشح 2/ نخوض معركة لمحاولة تصحيح العلاقة بين العملية الإنتخابية وبين بعض الرموز التى لا زالت موجودة والتى تسعى بجدية إلى إبقاء حضرة الناظر نظرية حضرة الناظر بقى أنوا مفيش مدرسة فيها أتنين نظار عبد اللطيف المناوى: ناظر واحد دكتور رفعت السعيد: هو ناظر واحد وأصحاب نظرية حضرة الناظر لا زالوا موجودين ولا زالوا فاعلين وأنا أعرف أنوا فيه البعض بيوجههم أعرف أنوا فيه البعض بيحاول أنوا يقلل من تجهمهم عبد اللطيف المناوى: حضرة الناظر تقصد به النائب المستمرا أمدا أو النائب المستمر من هو حضرة الناظر ؟ دكتور رفعت السعيد: فيه بعض فيه بعض القيادالت الحزبية فى الحزب الحاكم التى شايفة طب ودول يدخلوا ليه ؟ ما أحنا أولا ما رجالتنا أولا وبالتالى يعارضوا عبد اللطيف المناوى /طب إلى أى مدى بتتفق على ما ذكر فى المقدمة من أن الإنتخابات البرلمانية المصرية القادمة سوف تكون إعادة حقيقية لمفهوم المعارضة المدنية القوية فى البرلمان إلى أى مدى بتتوقع هذه المسألة من خلال المقدمات الموجودة على الساحة ؟ دكتور رفعت السعيد: أنا عايز أقول حاجة هذه مسألة ضرورية حتمية وإن لم تتم الأن فهى الكارثة لأنوا مصر معادتش هتستحمل كتير فى التصرفات الخالية من الشفافية فى المواقف الخالية من الشفافية فى الولاءات الخالية من الإخلاص ومن الإنتماء الحقيقى عبد اللطيف المناوى: الإنتماء الحقيقى للوطن تقصد ؟ دكتور رفعت السعيد /أو حتى للحزب وبالتالى أنا وجهة نظرى وأوجه الكلام إلى القيادة السياسية أن الإرادة السياسية لفرض إنتخابات جادة ونظيفة وشفافة وتعددية ليس فيها إستقصاء ولا إستبعاد ولا كذا أعتقد أنها أصبحت فرض عين فى المجتمع المصرى وعليها أن تأتى بإرادة الإرادة السياسية بدلا من أن تحدث أشياء أخرى عبد اللطيف المناوى: إلى أى مدى بتعتقد أنوا حضور حزب التجمع بتاريخه السياسى فى منتصف السبعينات بدأ حزب التجمع إلى أى مدى بتعتقد إن حجم المشاركة الحضور فى الإنتخابات يساوى بالفعل هذا التاريخ وهذه الرغبة فى الحضور ؟ دكتور رفعت السعيد: شوف هقولك حاجة خلينا نتكلم بصراحة الوجود السياسى غير الوجود الحزبى غير الوجود الإنتخابى الإنتخابات النهاردة أيه ؟ فلوس قبيلة جهة قرية يعنى أو أسرة أو وضع إجتماعى مميز أو نفوذ نفوذ بقى يجى إدارى يجى نفوذ تنفيذى يجى نفوذ حزبى يجى نفوذ كذا نحن حزب البسطاء ومن غير ما أتأوه ولا أشتكى نحن حزب لا ينفق فى الإنتخابات إلا أقل أقل أقل القليل لما قامت أزمة بنعمل إعلانات فى التليفزيون وبتاع هذه رفاهية لا تخصنى دا زى ما أنت تروح لواحد فلاح تقوله يعنى الحكومة ما بتوزعش صابون لوكس وبتجيب صابون صن لايت فأحنا حزب البسطاء ولا نملك مالا كثيرا وإنما نملك إحترام الناس صدقنى أنا أعتز وأزهوا بأنوا حزب التجمع هو فى أعين الكثيرين حزبا شديد الإحترام حتى الجريدة لتاعتنا اللى حضرتك بتقول أنوا دورها بيقل جريدة شديدة الإحترام لأنها لا تباع ولا تشترى ولا تتملق ولا تخضع لأى إغراءات عبد اللطيف المناوى: أظن تتفق معايا يا دكتور رفعت بأن الأغلبية من المصريين هم البسطاء الذين تقول أنكم حزب هؤلاء البسطاء هنا سؤالى لماذا لم يتمكن الحزب الذى يمثل البسطاء فى أن يجد البسطاء فى معظم الدوائر الإنتخابية الموجودة حتى يستطيع التعبير عنهم أو يتواصل معهم حتى جماهيريا ؟ أنتم عندكم 69 مشارك تقريبا دكتور رفعت السعيد: لأ لأ 82 عبد اللطيف المناوى: 82 عفوا مرشح دكتور رفعت السعيد: وعلشان أقولك إن أحنا نفعل ما نقول مش زى أى حد تانى لما قلنا أنوا أحنا بنتطالب بالتمييز الإيجابى للمرأة وللأقباط أحنا 82 مرشح عندنا 9 سيدات وعندنا 12 قبطى ينجحوا ما ينجحوشى نحن نفعل ما يجل وعلينا أن نفرض إرادة ليبرالية وتقدمية متسامحة ومحاولة أن توحد المجتمع وفق أسس متكافئة سواء كانت النتيجة فى صالحنا أو مش فى صالحنا لماذا لا يصوت البسطاء لنا ؟ دى قضية بقى كبيرة أو الإعلام أنا عايز أقول حاجة لأخولتى الصغيرين فى السن يعنى أخواتى رؤساء تحرير الصحف القومية أنا كلفت شبان عندنا فى الحزب أنوا هما يعملوا دراسة حوالين نسبة النشر عن الحزب الوطنى ونسبة النشر عن كل الأحزاب المعارضة واحد إلى 350 رقم مفزع عبد اللطيف المناوى: طب ما خلينا فى المقابل أسئلك لو عملنا نفس الدراسة على المقارنة على نشاط الأحزاب المعارضة مقارنة بنشاط الحزب الوطنى ؟ هل بتعتقد أنها هتكون قريبة من هذا الشكل بشكل أو بأخر ؟ دكتور رفعت السعيد: لأ نشاط يعنى أيه ؟ أنا عايز اٍسأل نشاط نشلط يعنى أيه ؟ نشاط يعنى أنوا الحزب الوطنى بيجتمع وبيصدر تعليمات والحكومة ما تنفذهاش وإن نفذتها تنفذها غلط وأنوا يطلع الوزراء يصرحوا يصرحوا يصرحوا وأنا نفسى الدكتور نظيف فيه عدد من الوزراء يوزع عليهم شريط لاصق يقفل بوقهم لأنوا كل ما يتكلم يسىء إلى الحكومة ويشىء إلى الحزب ويسىء إلى البرنامجح اللى بيطبقوه ويسىء إلى نفسه ويسىء إلى المستمعين يعنى مش فاهم أيه مزاجهم من الحكاية دى ؟ عبد اللطيف المناوى: طب مفهومك لنشاط الحزب ؟ دكتور رفعت السعيد: ما أنا هقول بقى نشاط أنا هتكلم عن نفسى نشاطنا أحنا نحن خضنا معركة إيجابية مع أصحاب المعاشات وأسهمنا فى تأسيس إتحادهم وتبنيناه نحن أصحاب فكرة دعوة لضرورة تحديد الحد الأدنى للأجر على أساس إنسانى يكفل حياة المواطنين فى حدها الأدنى ونحن الذين نظمنا وقفات إحتجاجية وحاولنا نعمل مظاهرات ومنعنا ضد الفساد وضد التمييز ومطالبة بإعادة توزيع الدخل القومى لأن الدخل القومى متوزع بطريقة مخيفة ونحن الحزب الوحيد الذى طالب ويطالب وسيطالب بالضرائب التصاعدية كسبيل لحل مشكلة هذا المجتمع عبد اللطيف المناوى : حضرتك ما ذكرته ليا الأن هى مواقف الحزب من قضايا مختلفة وأنا هنا أتحدث عن نشاط حزبى حضور حزبى من خلال مؤتمرات هل أنتم بتقوموا بما يتوقعوا منكم البسطاء التى تحدثت عنهم من أنشطة حزبية من حضور على الساحة هل أنتم متواجديدن ؟ دكتور رفعت السعيد /هو أصل المشكلة أنوا الناس بتخلط بين الحضور السياسى والحضور الحزبى وبين الخدمات أنا خدمات أنا عايز حد يقدملى خدمات يعنى عايز حد يعالجنى ويجبلى شوية دوا وبتاع عبد اللطيف المناوى /طب نكلم الحزب الوطنى دكتور رفعت السعيد: ما أنا برفع شعار يا نحلة لا تقرصينى ولا أنا عايز عسلك الخدمات هذه حيلة أخرى الحكومة أهملت الخدمات ففتحت أبواب جهنم للمتأسلمين كى يقوموا بهذه الخدمات من أموالا يعلم الله هى جاية منين ؟ وبالتالى يكسبون تبص تلاقى هنا مش عارف أيه مركز أيه ؟ وعلاج طبى ومدارس ومدرسة كذا ومدرسة كذا وهكذا أنا معنديش ده أسف معنديش لأن معنديش ما يكفله لكن عندى وجود وسط الناس عندى رغبة فى التواجد مع الناس عبد اللطيف المناوى /طب هل أنت من ضمن اللى مش موجود عندك أيضا 508 عضو قادر على دخول المعركة الإنتخابية لينافس فيها تدخل ب 82 أو 83 مرشح فقط؟ دكتور رفعت السعيد: عندى عدة الألاف مهياش قضية بس أنا مش عبليط للدرجة دية ه هاها ليه بقى ؟ لأنه أنا بدى للأعضاء بتوعى مبدهمش فلوس ولا أنفق عليهم ولا أنفق على مؤتمراتهم ولا أجبلهم عربيات يتنقلوا بيها أنا بديلهم مجموعة من الأوراق بوسترات كل لما ألزقها يقطعوها كل لما ألزقها يقطعوها بحجة أن المعركة الإنتخابية ما بدأتش حضرتك أتمشى كده لحد السيدة وشوفها بدأت ولا لأ ؟ عبد اللطيف المناوى: بدأت للأخرين تقصد ؟ دكتور رفعت السعيد: بدأت لأخر مش لأخرين لكن فيه أماكن كثير بدأت لأخرين فأنا على قدر طاقتى وعلى فكرة ما أطبعش ورق بره كمان عندى مطبعة صغيرة كد هو بطبعلهم ورق على قد ما أقدر أوزع على قد ما أقدر أتحرك على قد ما أقدر أزود أعضائى ببرنامج إنتخابى أنا طبعت منه 100 ألأف نسخة وزغتهم وطبعت بوستر اللى كان محور الكلمة بتاعتى فى مجلس الشورى النهاردة لما قلت للدكتور نظيف أحنا عندنا 3 شعارات الحرية للشعب الخبز للفقراء العمل للعاطلين وعارف أنوا الحكومة هتقف وتقول أحنا موافقين على ده الفرق بينى وبينكم هو التنفيذ فأحنا عندنا إمكانيات محدودة نحاول إستخدامها عل قدر الإمكان كى نستطيع أن نتعامل مع الجمهور فى حدود ما نستطيع لأنوا تصور أنت بقى أنا أرشح واحد وبعدين حتى مقدرش أديله شوية ورق يوزعهم على الناس وبعدين مفيش حزب فى مصر على فكرة ما تضحكش على نفسك ولا هما بيضحكوا علينا مفيش حزب فى مصر يمتلك وجودا سياسيا وتنظيميا كافيا لترشيح ناس فى كل المحافظات وفى كل الدوائر يمكن الحزب الوطنى لسبب أخر غير نشاطه وغير برنامجه أنوا البعض متهيألوا أنوا هيدخل يهبر بقى يعنى يوضب أموره ويسلك حاله وحاجات زى كده عبد اللطيف المناوى: خلينى اسألك سؤال يعنى هل هناك صفقة تمت بينك كحزب تجمع وبين الحزب الوطنى ؟ هل وعدت بعدد معين من المقاعد ؟ دكتور رفعت السعيد: لا طالبت ولا وعدت ولا سأطالب ولا سأوعد أنا عايز اسأل سؤال بصراحة عبد اللطيف المناوى: على فكرة هذه الإنتخابات تأتى من داخل حزبك سواء من قيادات سابقة أو من قيادات منشقة أو تريد الإنشقاق دكتور رفعت السعيد: أنا معنديش قيادات سابقة غير واحدة بس وزاحد قيادى سابق ومفيش منشقين عبد اللطيف المناوى: فيه مشروعات ؟ دكتور رفعت السعيد: لا لأ مفيش أغلقت المشاريع أنا عايز أقول حاجة لما أتعملت إنتخابات مجلس الشورى نجح واحد تجمع واحد قالوا دا صفقة فأنا سألت قلت أنا لو عملت صفقة كنت هطلب 10 قالوا إشمعنا 10 ؟ قلت علشان أنا عندى 9 مرشحين فأنا لو عايز أعمل صفقة لن أقبل الدنية ولكن هخوض معركة من أجل أن أحصل على ما يستحقه حزب التجمع بتاريخه وبتراثه وبنضاله وبتواجهاته لكن أنا لا أطلب ولا هم يعطوننى لو تراجع حضرتك الكلام اللى أنا قلته دلوقتى وتشوف هل ينفع أنوا الحزب الوطنى يدينى حباية ؟ حبة حبة مقاعد لأ عبد اللطيف المناوى: طب هل سوف يكون هناك شكل من أشكال التنسيق مع بعض مرشحى الحزب فى بعض الدوائر مع مرشحينكم فى هذه الدوائر؟ دكتور رفعت السعيد: شوف هقولك أحنا نمنع مرشحينا فقط من التنسيق مع مرشحى التأسلم السياسى أى جماعة الأخوان المسلمين وبعدين كل مرشح مسئول عن معركته فى هذه الحدود عايز بقى ينسق مع حزب الوفد ينسق مع الحزب الوطنى ينسق بتاع أنا معنديش حساسية فى هذا الموضوع زعيم حزبنا أستاذنا خالد محى الدين فى أكتر من إنتخابات كان هو بينزل فئات وبينسق مع مرشح حزب الوطنى عبد اللطيف المناوى: إذنا المسألة مفتوحة مرشحى حزب التجمع أن ينسقوا دكتور رفعت السعيد: بشرط مش كل بقى المرشحين بتوع الحزب الوطنى عبد اللطيف المناوى: هل على المرشح أن يعود إلى قيادة الحزب قبل التنسيق أم أنك بتترك هذه المسألة للمرشح ولحساباته الخاصة ؟ دكتور رفعت السعيد: مش أى مرشح وطنى أحنا عندنا تحفظات على مرشحين وطنى كتير وعندنا إحترام لمرشحين وطنى كتير الذين نحترمهم مش لسبب شخصى ولا لأنوا جوز بنت خالة فلان لأ نحترمهم لأن لهم أداء إيجابى لأنوا نتوسم أنوا هيتعاملوا بشكل شفاف وخالى من الفساد عبد اللطيف المناوى: هل تتوقع حضورا أفضل لحزب التجمع فى هذا البرلمان عن البرلمان السابق ؟ دكتور رفعت السعيد: بالقطع لأنوا وضعنا الأن أفضل ولأن رأينا أوضح ولأنوا الناس فى حالة رغبة فى إيجاد نوع من التغيير عبد اللطيف المناوى: إلى أى مدى فى داخل حزبك دكتور رفعت بتجد أن هناك شكل من الأشكال التوافق أو الإتفاق على على موقفك فى التعامل السياسى فى مسألة الإنتخابات أو فى العلاقة مع التيارات السياسية الأخرى ؟ دكتور رفعت السعيد: أولا أحنا عندجنا محدش بيتصرف لوحده ما أنت عارف أحنا حزب مليان ديناصورات سياسية لا خالد محى الدين ولا من خلفه يستطيع أن يتحرك مستقلا أو أن يتخذ قرارا مستقلا فإذا كان خالد محى الدين معملهاش أنا أقدر أعملها ؟ نحن نتعامل عبر مؤسسات الموقف السياسى يحدد عبر مؤسسات التحالفات تحدد عبر مؤسسات الإختيارات السياسية تتحدد عبر مؤسسات فيما يتعلق بموضوع مقاطعة الإنتخابات كان عندنا بعض المعارضة لكن حتى المعارضة علشان متقولش أنوا فيه مشروع للإنشقاقات ولا حاجة أول ما خدنا القرار بالأغلبية هما قالوا أحنا ملتزمين بخط الحزب وسوف نخوض معركة الإنتخابات البرلمانية وبعدين حضرتك عارف أنوا كان عندنا مشكلة مع محافظة الجيزة طيب فيها مرشح يعنى مفيش مشاكل عبد اللطيف المناوى: يمكن التأكيد على أن حزب التجمع بيدخل هذه الإنتخابات حزب موحد لا يعانى من الإنشقاقات دكتور رفعت السعيد: لا يعانى من أية إنشقاقات وبعدي الخط السياسى خط واضح جدا لكن لكى أكون صريحا أنا محبش ما أقوله أقوله فى الحزب وبره الحزب وأقوله فى كل حتة وبقوله مع المسئولين كمان يعنى علشان أخد حقى من كله أنا عايز أٌول أنوا قضية العلاقة مع التيار الإسلامى السياسى كانت لفترة ما تمثل نقطة إختلاف بين أقلية مش بس أقلية عددية هى أقلية عددية لكن منها أشخاص يمتلكون إحتراما كبيرا داخل الحزب وأعتقد أنوا الوضع ده إستبان فى الفترة الأخيرة عبد اللطيف المناوى: طب دا بينقلنى لمفهومك أو لمفهوم حزب التجمع لمفهوم الإئتلاف المعارض أنتم مع فكرة إئتلاف قوى المعارضة فيه العمل السياسى بشكل عام هل ما زالتم على موقفكم الرافض من وجود تيار إسلامى سياسى داخل هذا الإئتلاف وهل يمكن أن تقبله تحت ضغط من قوى سياسية معارضة أخرى أن تتنازلوا عن هذا الموقف ؟ دكتور رفعت السعيد: نتنازل عن مصلحة الوطن ؟ يعنى نتنازل عن مصير مصر ؟ عبد اللطيف المناوى: أشرحلى ؟ دكتور رفعت السعيد: أشرحلك أولا أحنا من حيث المبدأ ضد الإتجار بالدين وضد إستخدام الدين كبضاعة إنتخابية دى أول حاجة الحاجة التانية نحن ضد إستخدام شعارات دينية فى المعارك الإنتخابية شعار الإسلام هو الحل شعار غير إسلامى لأنه ضد صحيح الإسلام أقولك أزاى ؟ دى كوباية شاى ؟ عبد اللطيف المناوى: أتفضل دكتور رفعت السعيد: وحضرتك ما قلتليش أشرب عبد اللطيف المنياوى: لا يا فندم أتفضل دا مش ديكور حقيقى دكتور رفعت السعيد: ما أنا خايف تبقى مية صفرا عبد اللطيف المناوى: لا لا لأ دكتور رفعت السعيد: إذا شربت وخدت شفطة من الشاى ده وقلت مفيش سكر فبيجيبوا سكر يبقى يشرب يبقى السكر هو الحل أقصد أن ما هو غائب يكون الحل للمشكلات القائمة كلامى واضح يعنى إذا قلت أنوا الإسلام هو الحل عبد اللطيف المناوى: هذا يعنى أن الإسلام غير موجود دكتور رفعت السعيد: وهناك العشرات مئات من المشاكل اللى موجوده ولم تحل يبقى الإسلام مش موجود يبقى دا مجتمع كافر يبقى دا كذا يبقى دا كذا لو إن هما متواضعين حبة وخالى الذهن من التفرد بأن هما رسل السماء أو زى ما قال يمتلكون ماء السماء الطهور معرفش بصفته أيه ؟ يمتلك ماء السماء الطهور دا النبى مقلهاش سيدنا محمد ماقلش كده طيب لو هما بيقولوا كده كانوا قالوا ببساطة إن رؤيتنا للعقيدة الإسلامية هى الحل يبقى دا رؤية إنسانية قد تخطأ وقد تصيب لكن لما أقول الإسلام نفسه طب وأنت مالك طب وأنا براه وإذا أنا إختلفت معاك فى الحلول يبقى أنا ضد الإسلام وهجبالهالك على بلاطة بقى هذا جزء من عقيدتهم الأستاذ حسن البنا سنة 36 عمل المؤتمر الخامس وبالمناسبة عمله لمبايعة جلالة الملك فاروق على كتاب الله وسنة رسوله عمل فيه برنامج طرح فيه برنامج سماه منهاج جماعة الأخوان ثما قال هذا المنهاج باركوا أيها المستمعين هذا المنهاج كله من الإسلام وكل نقصا منه نقصا من الإسلام ذاته كله من الإسلام لو تروح للشيخ بديع أو فلان أو علان ولا بتاع تقوله والله الحتة اللى عندك دى الصغنونة دى غلط يبقى فيه جزء من الإسلام غلط تقوله طب بس البرنامج بتاعك ناقص كذا يبقى الإسلام ناقص ومحدش يقولى دا كان زمان هم متمسكون بكل حرف قالوه وأتحدى أى واحد فيهم يطلع فى أى حتة أو حتى يكلنى فى التليفون يقولى فى حرف واحد من كلام حسن البنا طلع غلط بلاش يا راجل حسن البنا هات مصطفى مشهور أو فلان أو علان إذنا نحن من حيث المبدأ عبد اللطيف المناوى: خلاف مبدئى من الأساس دكتور رفعت السعيد: خلاف مبدئى من الأساس ليه ؟ لأننا أنصار للدولة المدنية لأننا نؤمن بحقوق المرأة هما بيقولوا أن المرأة لا تمتلك حق الولاية الكبرى وأنوا توليها الولاية الكبرى خروج عن الإسلام من سوء حظهم أنوا المسلمين 85 % موجودين فى 3 بلاد إندونسيا وبنجلادش وباكستان وال3 بلاد دى بالمصادفة تولت الولاية الكبرى فيهم أمرأة الأقباط هنعمل فيهم أيه دول ؟ نحن دولة مدنية نسعى أن تكمل كيانها كدولة مدنية ونسعى أن نخفى أصوات الصمت الرسمى على إضعاف الدولة المدنية أو المشاركة فيه إضعاف الدولة المدنية ونطالب بمصر بلد حر ديمقراطى تقدمى عقلانى يحمى حقوق المرأة ويحمى حقوق الأقباط ويحمى حقوق الفقراء وكل هذا لا يتحقق بشعارات عبد اللطيف المناوى: هل التحاف من وجهة نظر بعض القوى المعارضة أو أشخاص المعارضة أن التحالف المرحلى أو التحالف التكتيكى مع قوى الإسلام السياسى يمكن يمكن أن يؤدى بها إلى تحقيق أهدافها الأساسية إلى أى مدى بتعتقد؟ دكتور رفعت السعيد: مين اللى بيعتقد فى أهدجافه الأساسية أحنا ولا الأخوان ؟ عبد اللطيف المناوى: المعارضة اللى بتعتقد توحد المعارضة بما فيها التيارات الإسلامية دكتور رفعت السعيد: يا أستاذ عبد اللطيف نتراجع كده ونتذكر تحالف القوى اليسارية مع آيات الله فى إيران أول ما قعدوا معاهم دبحوهم هم قادرون على أنوا هما يمارسوا معك أكبر قدر من الخداع وبعدين بس يوصل السلطة بس يوصل السلطة هى دى القضية مش الراجل بتاع الجزائر أول ما عمل إنتخابات وكسب فيها قالهم خلاص دى أخر إنتخابا يا ولاد كذا كذا ومحدش يجى يطالبنى تانى من أنا أعمل إنتخابات وفيه قصة شهيرة فى التراث الإسلامى مروان أبن عبد الحكم ده فضل قاعد فى مسجد الرسول حتى أسموه حمامة المسجد قعد يقرا حمامة المجلس يقرا قرأن يقرا قرأن لحد ما قالوله تعال دا أنت بقيت خليفة فقبل ما يروح الشام والله لا يأمرن أحد بتقوى الله بعد مقامى هذا إلا قطعت رقبته عبد اللطيف المناوى: إذنا هذه القضية ممكن أن تكون لن تخضعوا فيها لأى مطالبات حتى لو أدى هذا إلى تهديد بتواجد إئتلاف قوى المعارضة دكتور رفعت السعيد: أحنا ما بنتكلمش من فراغ أحنا بنتكلم عن تحالف مكون الأن من التجمع وحزب الوفد والحزب الناصرى لن يحدث أنوا أحد من الحزبين الشقيقين الأخرين طالبنا بغير ما نحن فيه الأن عبد اللطيف المناوى: ولو طرح هذا فلن يتغير موقفكم ؟ دكتور رفعت السعيد: ولو طرح هذا لن يتغير موقفنا وأعتقد إن هما سيقتنعون بوجهة نظرنا لأن هما فى النهاية هما مين ؟ ما هما أحزاب ليبرالية هو الوفد جه منين ؟ ما هو الوفد مش حزب وحدة وطنية وحزب ثورة 19 هم لا يملكون التخلى عن تراثهم صعب عبد اللطيف المناوى: فى هذا الإطار ما هى الإجراءات التى تعتقد أنها ينبغى توضع فى مسألة ضبط المال السياسى فى إدارة العملية السياسية والعملية الإنتخابية ؟ دكتور رفعت السعيد: أنا عندى مشكلة حقيقية هى أن الملل السياسى لا يستخدم من جانب واحد ومعرفش يعنى أنوا مسمحلى أنى أقول عبد اللطيف المناوى /مسموح تقول اللى أنت عايزه دكتور رفعت السعيد: أنوا فى المجمعات الإنتخابية للحزب الوطنى كان فيه مال سياسى كان فيه هدايا بتروح للبيوت للناس كده محدش بيطلب حاجة يبص يلاقى واحد بيخبط على الباب ويدخلوا تلاجة أنا ليا واحد صديق عنده مصنع تلاجات قاللى مش ملاحق عليهم طب ما المال السياسى أهو عبد اللطيف المناوى: انا محدش خبط عليا دكتور رفعت السعيد: ما أنت مش أأ يجيبلك أيه دال أنت عايز يجيبلم عربية فورد بقى فالقضية أنوا المال السياسىيستخدم من أكثر من طرف وهذه خيانة للأمانة لأنوا الصوت ده مش ملكك الصوت ده ملك المواطن وعندما تقرر أنك ترغمه على أنه يشتريه اللى عمالين يجيبوا رقابة دولية هيجيبوا رقابة دولية تعمل أيه ؟ أنا عايز أقول لحضرتك حاجة هيقعد 10 مراقبين من الأممالمتحدة على صندوق دخل مواطن معاه موبايل حطه فى جيبه هما ظبطنهوله على الكاميرا يقوله صور الورقة وعلم على علامتى ودوس يدوس يخرج بصورة الكاميرا فى الموبايل وياخد 1000 جنيه تعرف 1000 جنيه يعنى أيه ؟ عبد اللطيف المناوى: أه دا راجل بسيط مبلغ يعنى دكتور رفعت السعيد: مبلغ مهول هيدقوا اللحمة لأول مرة فى حياتهم وهيشوفوا الموز شكله أيه وهيشترلهم بلوفرات على الشتا عبد اللطيف المناوى: نظبطها أزاى ؟ أيه إقتراحاتك لضبط هذه ىالمسألة أنتم حزب البسطاء والغير قادر على دخول مبارزة المال السياسى تعملوا أيه ؟ دكتور رفعت السعيد: لو أن اللجنة العليا للإنتخابات عبد اللطيف المناوى: عرفت تليفونها بالمناسبة ؟ كان ليك تعليق سابق دكتور رفعت السعيد: لأ عرفتوا لأن هما ظلوا مختفين لفترة أنا ما كنتش بفتقد على حد هما ظلوا مختفين لفترة طويلة وطول فترة إنتخابات مجلس الشورى أحاول إن أجيب نمرة تليفونهم معرفتش عبد اللطيف المناوى: الحمد الله وصلنالهم دلوقتى دكتور رفعت السعيد /الحمد الله فأنا بقول أنوا اللجنة العليا للإنتخابات يجب أن تتخذ موقفا حازما لو أنها أصدرت قرار بشطب أحد الأشخاص أصل الناس اللى بتعمل كده لا تتستر عبد اللطيف المناوى: لا يتم فى الخفاء دكتور رفعت السعيد: دا واقف على باب اللجنة وماسك فى أيده رزم الفلوس وماسك 20 ، 30 موبايل وكل واحد داخل يديله الموبايل وياخد منه الموبايل ويديله الفوس ويديله البتاع ويعد البتاع أنا فاكر مرة أحنا عندنا حارة شارع كريم الدولة ده عبد اللطيف المناوى /مقر حزب التجمع دكتور رفعت السعيد: أه مقر حزب التجمع فى أخره مدرسة بيبقى فيها لجنة إنتخابية فواقف واحد ماسك رزمة فلوس عشرينات زى الوتشينة كل واحد واقف يقوم مطلع ورقة مطلع ورقة 20 جنيه ومعاها أسم المرشح عيب بقى أنى أنا أقول أسمه يعنى لكن الناس دخلت وتاخد تاخد تاخد وبعدين داخل راجل محترم قوى يبدوا أنوا موظف على المعاش بتاع كلام من ده وفوجىء بواحد بيديله 20 جنيه فضل واقف متردد متردد يعنى يضربوا يعملوا يشتموا وبعدين راح حاططها فى جيبه وراح داخل فما بالك بقى لو 1000 جنيه عايزة عبد اللطيف المناوى: موقف قوى من اللجنة العليا للإنتخابات دكتور رفعت السعيد: اللجنة ما بتنزلش تقف على باب لجان الإنتخابات موقف واضح وقوى من الأمن دون إفتأد ودون إفتعال ودون تصيد لأخرين تفويض لأشخاص معينة ثما تتصدى اللجنة العليا للإنتخابات لو شطبت 2 ، 3 كله هيخاف عبد اللطيف المناوى: رأس ذئب تحصد تقصد دكتور رفعت السعيد: رأس الذئب الطائر دلوقتى أنت قايل 200 ألف أنزل فى الشوارع عد كام يافطة وأضرب فى 50 هتلاقى يفط بس يا مؤمن عد من زمان من أيام رمضان من أيام شنط رمضان وشنط المدارس والكراريس والكشاكيل والأساتيك والأقلام دا مولد يا عم دا مولد دا بزنس عبد اللطيف المناوى /هل لو أنتم كنتم حزب قادر على أن يقوم بهذا الدور كنتم هتمارسوه ؟ دكتور رفعت السعيد: أعتقد لأ يعنى طبعا أنا مجربتش لكن علشان أكون صادق أعتقد لأ لأنوا ليس من مهمة حزب التجمع أن يفسد الحياة الإنتخابية أنا أخاطب الجمهور بالعقل أنا عايز أقولك حاجة فى كثير من الأحيان يجيلى واحد أكون أنا عارف أنوا ممكن يوما ما هحتاجله فى المعركة الإنتخابية ويطلب طلب مش قوى وعارف أنوا أقدر أعمله ليه لأنى ممتنا لكثير من الأشخاص فى مواقع ممكن تقدم خدمات لكن أحسبها من الأول هل إذا فعلت ذلك وهو على خلاف فى سنة أو شبهة مخالفة للقانون أكون منصفا لنفسى ولضميرى ولحزبى وأنا فاكر واقعة غريبة تهلك من الضحك مره خالد محى الدين قاعد فى مكتبه لقيت واحد عمده بقى من العم التقال خالد يقوله دا مخالف للقانون يا عمدة يقالوه ما أنا عارف ما هو لو مع القانون مكنتش جيتلك كنت خلصتها طبعا أحنا مش بتوع حاجة زى كده عبد اللطيف المناوى: طب أحد الموضوعات اللى أشرت إليها أثناء الحوار يا دكتور رفعت هو موضوع مثار بشكل واضح على الساحة هو موضوع المراقبة مراقبة الإنتخابات وهنا المراقبة بشقيها المراقبة المحلية خلينا أسميها أو المراقبة الوطنية اللى بعتقد أنو المسمى الأكثر مناسبتا والمراقبة الدولية لماذا ترفضون المراقبة الدولية ؟ أيه أسبابكم فى هذه المسألة ؟ وما هى ملامح المراقبة الوطنية اللى بتعتقدوا أنها ينبغى أن تكون موجوده على الساحة ؟ دكتور رفعت السعيد: شوف أنا عايز أقول حاجة أنا عندى مراقبة مستوردة تايوانى يعنى يعنى جمعيات مع كل الإحترام لأصحابها يحصلون على تمويل هائل من أوروبا الإتحاد الأوروبى أو من أمريكا أو كذا وبالطبع لما بعمل تقرير صاحب الدكان عايز كده أنا فاكر ودا اللى خلانى متحركش أنى أنا أقول دا زمان أيام ما كان موج الإرهاب طاغى جا واحد من جمعية أهلية وقالى أحنا عاملين بيان يدين التعذيب فى السجون طبعا أنا أسف أنى أتكلم عن نفسى اللى أضرب وأتعذب وأتعذب لا يمكن يغفر تعذيب أى إنسان حتى لو كان قاتل أبوه عبد اللطيف المناوى: أنت عندك ريكورد مسجل أنك أصغر معتقل سياسى سنة 46 دكتور رفعت السعيد: لأ سنة 48 فأنا قلتله أنا معنديش مانع خدت البيان وقريته أيام بقى ما كان الإرهاب موجه عالى قلتله بس أنا موافق همضى وأمضيلك كل اللى فى الحزب بس نضيف إدانة سطر واحد فيه بالإدانة للعمل الإرهابى لأن العمل الإرهابى دا بقى مش تعذيب مواطن دا إستيلاب حياة مواطن قاللى لأ ليه ؟ قاللى أصل المناحين رافضين يكون هناك فرق رقابة وجمعيات أهلية وطنية زى ما أنت قلت مصرية زى ما أنت قلت مش تايوانى تراقب العملية الإنتخابية ومع ذلك أنا موافق على أللى هما بيعملوه برده أحسن مما فيش أجحى بقى للرقابة سيبك من كل الكلام اللى بيتقال يتقال أصل السيادة الوطنية والبتاع والحاجات دى يرد عليك ما أحنا فى العولمة السؤال هو هل نثق فيهم أم لا ؟ عبد اللطيف المناوى: والإيجابة هى ؟ دكتور رفعت السعيد /لا وأنا قلتالهم قلتها لوفد من الإتحاد الأوروبى وقلتها فى الإتحاد البرلمانى الأورومتوسطى وهقولك الواقعة ليه هما مثلا أقاموا الدنيا ولم يقعدوها علشان شخص مع كل الإحترام ليه ؟ لما راح للبرلمان الأوروبى تقرير جولد ستون بالإجماع رفض عبد اللطيف المناوى: الخاص بغزة دكتور رفعت السعيد: اللى هو خاص بالجرائم الإسرائيلية فى غزة بالإجماع رفض طيب نروح بقى لسكة تانية أنا كنت فى مؤتمر برلمانى للبرلمانيين الأورومتوسطى للبحر المتوسط ولقيت قاعد على المنصة محمد بركة محمد بركة دا عضو الكينست الإسرائيلى ممثلا أو أحد ممثلى عرب فلسطين العظام الذين أستقروا فى أرضهم منذ سنة 1948 وظلوا شوكة فى عين إسرائيل مقدم لمحاكمة 4قضايا لأنوا شارك فى تظاهرة ضد الجدار العازل اللى محكمة لاهاى قالت فوقفت حكيت الحكاية وقلتلهم أرجوكم اللى عايز يتضامن مع محمد بركة ضد المحكمة العسكرية الإسرائيليه يتفضل برفع أيده ولا واحد لأن إسرائيل عندهم هى المفضلة طب ما هما فى أوكرانيا فى الإنتخابات مش الأخيرة دى اللى قبلها تواترت أنباء كثيرة جدا عن إن المراقبين هما اللى كانوا بيزوروا لأنوا عايزين يجيبوا حكومة موالية لأمريكا ويهزموا حكومة موالية لروسيا لكن أنا على أية حال أنا أثق فى من يستحق الثقة من يكون مستخدما الحق والعدل فعلا وبعدين فى حاجة سخيفة بس هقولها لو جبنا 1000 مراقب من الأممالمتحدة أو من الإتحاد الأوروبى وكتبوا تقرير وقالوا دا التزوير جامد جامد جامد جامد وقبل ما يطلع التقرير صدر قرار كده حد عمله ضاعف كمية الغاز المصدرة لإسرائيل وخفض من سعرها التقرير دا هيطلع ؟ ولا هيطلع تقرير بيقول إن مصر هى أشرف بلد أقامت إنتخابات حرة نزيهة شفافة كذا عبد اللطيف المناوى: إذنا بتعتقد أنوا مسألة المراقبة الأجنبية هى أحد الأدوات دكتور رفعت السعيد: هى أحد الأدوات التدخل فى إطار منحاز عبد اللطيف المناوى: فيه إطار منحاز من أجل مصالحها الخاصة دكتور رفعت السعيد: أو مصالح إسرائيل عبد اللطيف المناوى: طب كحزب تجمع كأحد الأحزاب الرئيسية المهمة المشاركة فى الإنتخابات هل سوف تمتلكون آلية ما لديكم لمراقبة هذه الإنتخابات ؟ دكتور رفعت السعيد: طبعا عبد اللطيف المناوى: أزاى ؟ دكتور رفعت السعيد: هنحاول نتواجد هنحاول يكون لنا مندوبين فيه كل اللجان هنحاول ننسق مع أحزاب الإئتلاف بأن يبقى لينا مندوبين مشتركين فى كل اللجان أن نسد فراغات بعضنا البعض ونحاول قدر الإمكان أن نحفز الرأى العام لكى يحمى أصواته وصناديقه وكذا وكذا تزوير الإنتخابات يعنى بقى هقول كلام كبير تزوير إرادة الأمة وبتاع وحاجات زى كده معدتش بعرف أقول الكلام الكبير ده كبرت بقى عجزت لكن أنا عايز أقول أنوا الإنتخابات القادمة بعد 20 يوم نقطة فاصلة فى تاريخ مصر ويتعين أن يقوم الشعب المصرى كله بحماية صناديق الإنتخاب ومنع أى إضافة لمن لا يستحق أو أى سلب لأصوات أستحقت فى هذه الحالة مصر تستطيع أن تخطوا إلى الأمام عبد اللطيف المناوى: ولمن تتوجه الأصوات من وجهة نظرك فى هذه الإنتخابات ؟ دكتور رفعت السعيد: لمن يستحقها عبد اللطيف المناوى: على أى قاعدة ؟ دكتور رفعت السعيد: على قاعدة الدفاع عن الوطن الدفاع عن الوحدة الوطنية الدفاع عن حقوق الفقراء المطالبة بأجر عادل يا راجل تمطع الحكومة وتقولك 400 جنيه فى الشهر تنفيذا لحكم قضائى بيقول يكفل حياة إنسانية للمواطنين تعرف 400 جنيه يعنى أيه ؟ شيل منهم ال34 بتاع رسم التأمين الإجتماعى يبقى فاضل 300 ومش عارف أيه عبد اللطيف المناوى: هذه الطروحات ممكن أن تداعب خيال وطموحات ومشاعر الناخبين فالسؤال هو ما هى الضمانات لعدم إستخدام مثل هذه الأمور لدفع الأصوات فى إتجاهات أخرى خاطئة يمكن أن تؤدى إلى مخاطرة بالوطن كما ذكرتم من قبل دكتور رفعت السعيد: على فكرة الذين يخاطرون بمصالح الوطن لا يهتمون بمصالح الفقراء عبد اللطيف المناوى /ولكنهم يرفعون مصالح الفقراء على لافتاتهم دكتور رفعت السعيد: على فكرة الورقة اللى وزعوه إمبارح وأول إمبارح وبتاع وحاجات زى كده وعاملي حاجات غريبة قالوا بلاش تعملوا الإسلام هو الحل فهو بيفرق عليك ورقة فيها كلمات متقاطعة أنت بأيدك على بال ما تحل الكلمات المتقاطعة تلاقى الكلمة هى الإسلام هو الحل فدول هما شركاء فى عملية إستغلال رأس المال جماعة الأخوان المسلمين هى جزء من أعلى قمم البنية الإقتصادية فى مصر عبد اللطيف المناوى /خلينا أسألك سؤال أخير الإنتخابات البرلمانية القادمة إعادة ميلاد إعادة ولادة جديدة لمفهوم المعارضة المدنية فى مصر وهل هى ستكون ولادة جديدة لحزب التجمع فى الخريطة الحزبية المصرية بالشكل الذى يليق به وبتاريخه ؟ دكتور رفعت السعيد /أنا أعتقد ذلك بس أتمنى أن تكون الإرادة الرسمية منصرفة إلى ذلك لكى لا يكون هناك صراع ثلاثى يعنى تنصرف إلى إستحواذ على كل شيىء فنخوض معركة نجد أنفسنا إن أحنا واقفين مع خصوم سياسين لينا ضد عمليات تزوير الإنتخابات وضد التكافؤ أحنا ما بنطلبش حاجة أحنا بنطلب التكافؤ عبد اللطيف المناوى: دكتور رفعت السعيد بيظل الحوار مع الأحزاب المختلفة ويظل العمل من أجل حضور هذه الأحزاب المختلفة الأحزاب المدنية المصرية فى الساحة المصرية هو عمل مهم من أجل صالح هذه الأمة من أجل مستقبل هذا الوطن وتظل العلمية الإنتخابية التى سوف تشهدها مصر خلال الأيام القليلة القادمة أحد العلامات الحاضرة والبارزة فى التحول الديمقراطى المصرى وعلينا نحن المصريين أن نحدد الإتجاه الذى سوف نسير فيه دكتور رفعت السعيد دكتور رفعت السعيد: أنا أشكرك وأشكر لك سعة صدرك عبد اللطيف المناوى: أشكرك دكتور رفعت شكرا جزيلا ونتمنى لكم كل التوفيق بأذن الله السيدات والسادة شكرا لكم وإلى اللقاء فى مرات قادمة بأذن الله لمشاهدة الحلقة كاملة " فيديو"
