مبروك عندنا ثورة مبروك البراءة شعب طيب وغلبان ؛ مسامح حتى فى دم الأولاد؛ تعيش غلبان تموت مقهور من الأحكام؛ قالوا محاكمات قلنا هيه وشغلنا أغانى أنتصرنا أنتصرنا لكن بعد ظهور الأحكام لازم نغيرها أتقهرنا أتقهرنا؛ وتعيش يامصرى بكرة زى أمبارح والفرح زى الحزن كله عندنا غالى إلا دم الشهداء؛ كل مصرى شهيد وأبداً الكل مش شريف ولامسرور بس الأحكام مباركة ورشيدة كانت واهمة .. أرقص.. أفرح .. غنى .. ماالثورة قامت توقع صنم عملت من الكل أصنام!!!!! مش مهم تفسر اللى حصل ولامهم تكون فاهم ماشى متنور ولاحتى حالم بالتغير المهم عندنا مسميات ثورة حصلت وكمان حصل عندنا محاكمات بس اللى محيرنى وكمان مجننى هو أتحاكموا على أية ؛ واد محروس من العين رشيد بالفكر قال خلوا باللكم يامصريين الجريمة واضحة لكن المحاكمات علشان لوحة معدنية وذمة مالية ونسيوا بجد فساد طال كل الحياة ؛ أصلنا مختلفين وزمان موصوفين بالتفكير العقيم قمنا بثورة وأمنا الديب على النعاج أصلها شطارة وفهلوة ونصاحة عندنا ثورة واللى عندنا مش ممكن تشوفة عند حد تانى ؛ ناس مسالمين قلوا عل الشهداء بلطجية قلنا نسامح وطبع الكريم غير طبع اللئيم ؛ شكراً طبعناً الجميل.. قلنا نتحاور ونبعد عن الجدال ونحدد أهدافنا لبكرة وهو بكرة زى أمبارح أبداً بس نقول ونعيد لمين ؛ بكرة يبدأ مسلسل حبس إحتياطى ويمتد كام يوم ويصدر الحكم إفراج وبرءاة وموتوا بغيظكم ياثوار وبصوت واطى ومش عالى موتوا بغيظكم يامصريين ؛ اصل الى بيحصل لايتقال ولايتكتب فى دفاتر تتحسب والكلمة مخنوقة والأة محفوفة بمحاكمات للكلمة وعين بتبص على كلمة تتقال ولاحرف ينعاد وربنا يكتر عندنا الإحزاب ؛ ونعمل دولة ونزود شوية المرتبات واللى عاش زى اللى مات فى وطن مكسور ومتعور بالطوب وهو اللى بقولة أتقال ولا لسة راح ينعاد. مبروك علينا الثورة والنزول للميدان ؛ هو تحرير للعقول وتفرق عندنا العجول من العقول مالكل عامل ناصح وبرامج وفضائيات والحقيقة واضحة والألم شرح فينا القلوب؛ طب نستنى نقول كلام ولاهو زجل وشغل حروف طب سلمى على الترماى ومبروك عندنا ثورة .