على الربابة ح أغنى وأنظم الأشعار.. وأقيم زينات الفرح وأعلق الأنوار.. وأشارك الشعب فى الفرحة بأبطاله.. وارقص الدنيا ع الطبلة وع المزمار.. وأنشد أغانى الفرح وأرتل المواويل.. وأسمع أهلى وحبايبى فن راقى أصيل.. دا الفرحة بالنصر دخلت كل بيت مصرى.. حتى الهرم انتشى ورقص معاه النيل.. ح أغنى لشباب بلادى للأمل للغد.. ح أغنى يا مصر لولادك بناة المجد.. ح أغنى لشباب بيرفع ع الدوام اسمك.. شباب إيمانه بحبك مالوش مدى ولا حد.. ح أغنى يا مصر من قلبى بكل حماس.. أولادنا أحبابنا عادوا للوطن بالكاس.. عادوا لنا بالأمل أبطال أفريقيا.. مبروك لنا كلنا.. مبروك لكل الناس. محمد حسبو الأقرع عضو اتحاد الكتاب ادعو لجدو الله يحميه.. منقذ مصر الله يخليه.. ومن القر الله ينجيه.. رمز الثغر وفخر أبيه.. فرح قلبى اسم الله عليه.. وشرف بلدى واسم ناديه.. وخلى العالم احتار فيه.. قال ده جدو ولاّ بيليه.. ادعوا معايا الله يهديه.. ويصون أصله كده ويديه. عثمان بحور - الإسكندرية منتخبنا الوطنى ده.. شرفنا وفاق المدى.. رفع راية بلدنا.. ورؤوسنا للسما.. زينة فى كل الشوارع.. منتخبنا بالنصر راجع.. زى الفجر اللى طالع.. ومنور فى الفضا.. تحية من قلوبنا.. ده خلى الفرح توبنا.. جوه وبره حدودنا.. بجدارة عدى وسما.. يا مصرى افرح وغنى.. إخواتك أهم نادولك.. بعد صبر وتمنى.. جابوا النصر وهادولك.. دى مصر فى كل عصر.. نجماية فى السما.. وعلمنا الغالى هوه.. رمز لكل قوة.. شايلينه فى القلب جوه.. ومصر غنوة مترددة. أحمد محمد حمزة سليمان مدرس بمدرسة سعد زغلول بالجيزة عملت فينا الكورة حكاية.. ويا ريتنا نخليها بداية.. أنا صدقنى ماليش ف الكورة.. لكن مصرى وديه كفاية.. ولازم نتعلم وكفاية.. إن كان على مصر فليها كبير.. مصر كبيرة وليها كبير.. مصرىّ ومصريته بتغير.. نسر ما شاء الله بيطير.. بس لازم نتعلم وكفاية.. مش بالحزن ح نصلح حالنا.. ولا بالهم ح تيجى آمالنا.. نساعد بالإخلاص ف عملنا.. ونصبر حبه على أيامنا.. أنا صدقنى ماليش ف الكورة.. لكن مصرى وديه كفاية.. وانت يا صاحبى ياللى مسافر.. بلاش تفارق بلاش تهاجر.. دى المحروسة فيها كتير.. خليك جنبى ح ييجى الخير.. ولازم نتعلم ومانقولش كفاية. محمد مطر متشكرين.. متشكرين.. يا مصريين.. متشكرين يا أبطال مصر يا مخلصين.. رفعتوا راسنا بإخلاصكم.. والنصر جالنا بنفسكم.. والبركة فى دعاء الوالدين.. عليتوا الهامة.. يا أولاد مصر.. فرحتم ملايين الملايين.. عودتونا عالانتصارات.. ورسمتم فرحة مع ابتسامات.. أديتوا الواجب وزيادة.. وبقيتوا سفراء فوق العادة.. جبتولنا سعادة ورا سعادة.. خليكو فاكرين.. الوعد اللى ما بينا وبينكم يا مصريين.. فى أى بطولة حندعيلكم تيجو منصورين.. وانتم يا أولاد مصر يا أبطال قادرين قادرين.. عالإنجازات.. قادرين قادرين.. عالانتصارات.. قادرين قادرين.. رغم الصعوبات.. راجعين فايزين.. رافعين رايات النصر لمصر يا مصريين.. متشكرين. أحمد الطويل فى كل مكان شعبنا فرحان.. لما رفعوا راسنا الفرسان.. الكل أكيد مبسوط وسعيد.. من سيناء لغاية أسوان.. لعبوا بحماس وجابولنا الكاس.. سجل يا تاريخ واكتب يا زمان.. نجحوا الأبطال وسط الأدغال.. تحدوا الصعب وخلوه هان.. يا شباب مبروك بنقول مبروك.. وبنشكر فضل الرحمن. مصطفى ثابت عبدالرحيم مسارة - أسيوط
