1. ابتسم وانت بتكلم العميل حتى لو مش طايقه. 2.مهما عملت مسئول الكوالتى بيشوف حاجة انت مش شايفها! 3.لو بتحور على عميل في معلومة متجودش خاصة لو عميل فاهم. 4.فين ابتسامتك مع العميل ! 5.مديرك لازم يحسسك أنه بيعمل كل حاجة في الدنيا 6.العملاء(الستات) بيقفشوا على البنات لكن لو ولد بيتهندلوا خاصة لو ولد نحنوح والعكس. 7.لو عاوزة تحولى كول لزميلك قوليله العميلة صوتها حلو. 8.مديرتك لو ست متجوزة هتنكد على التيم بعد كل خناقة مع جوزها ولو مش متجوزة برضه هتنكد على التيم لحد ماتتجوز خاصة البنات. 9.الاجازة اصلا حرام. 10.انت الشخص إلى بيحاسب على (مشاريب)كل الادارات. 11.كل الادارات بتشوفك مالكش لازمة 12.لو عميل عاوز يتحول بمديرك متنساش تقوله اانه في ميتينج. 13. هتلاقى دايما زميل لك عارف انت حققت قد أي من التارجت اكتر منك. 14.هتلاقى جمبك شخص بيسب في العملاء طول ماهو قاعد. 15.ها لسه مبتسم مع العميل !! 16.الفرحة من القلب بجد هتشوفها لما اللاين يقع 17.لما عميل يكون متنرفز اعرف انك لو قلتله انابعتذر هيتنرفز اكتر 18.خليك هادى وبارد مع العميل المتعصب لحد مايتعصب زياده ويتحول بمديرك. 19.متنساش تقول للعميل أن إدارة الشكاوى حاولت تكلمه لكن موبايله كان غير متاح. 20.الشكوى لغير الله مذله. 21.السيرفس ليفيل100 جملة هتشوفها في احلامك 22.السماعه جزء لايتجزء من شخصيتك 23. لما زميلك إلى جمبك تلاقى صوته واطى اعرف أن العميل مبهدله على الاخر 24.حب العميل عشان العميل يحبك 25.اكتر مكالمة عكيت فيها هي إلى هتتسمع لك 26.العميل الفصيل هو إلى بيكلمك وانت طالع بريك ويرغى نص ساعه. 27.اوعى تنسى انك الوجهه (الايمدج) للشركة. 28.دايما هتلاقيك بتحقد على بتوع المبيعات عشان (الانسنتف) 29.لماعميل يكلمك ويقعد يشكر في الشركة هتعرف في نهاية الكول أن الرقم غلط. 30.لسه مبتسم مع العميل !!