تصريحات صادمة لسهير رمزي في برنامج "السيرة"

تحدثت الفنانة سهير رمزي خلال استضافتها في برنامج "السيرة" مع الإعلامية وفاء الكيلاني، عن زيجاتها المتكررة وعلاقتها بأخواتها وتسببها في طلاق والدتها.
وقالت سهير خلال اللقائها: "أول جوازة ليا من حلمي بكر، وكان عندي 16 سنة، والعصمة مكنتش في إيدي وانفصلنا بسبب رفضه دخولي التمثيل، وتاني جوازة قعدت 4 سنين".
وتابعت رمزي:"تالت جوازة كانت من رجل الأعمال الكويتي محمد الملا، وقعدنا حوالي 7 سنين وسيبنا بعض بسبب الغيرة، والرابعة كانت الفنان محمود قابيل واستمرت عاما وكانت سنة حلوة".
وأضافت سهير رمزي: "خامس جوازة من رجل الأعمال سيد متولى، وقعدنا متجوزين 7 أو 8 سنين واطلقنا ورجعنا تاني، وسادس جوازة رجل أعمال سوري وقعدنا أقل من سنة لا يذكر يعنى".
وأكملت سهير :"والجوازة السابعة الفنان فاروق الفيشاوي، وقعدنا متجوزين 5 سنين واطلقنا ورجعنا 3 مرات، والجوازة الثامنة علاء الشربيني والله أعلم هتكمل ولا لأ".
وأشارت سهير رمزي لطبيعة علاقتها بأخواتها وقالت:" لو شفت إخواتى فى الشارع مش هعرفهم هم يعرفنى لكن أنا معرفهمش، كنت قاعدة بتعشى سمك فى بورسعيد بعد تكريمى من المحافظ جت واحدة تسلم عليا افتكرتها معجبة، قالت لى: أنا أختك".
وقالت سهير رمزى خلال اللقاء : "أنا كنت مدلعة دلع أوفر.. دخلت على أبويا ومعاه واحدة فى مكتبه ضربنى بالقلم.. قلت هديله (زومبة) وكدبت على ماما وقلت لها: شفته بيبوس واحدة.. وده خرب البيت".
وتابعت سهير رمزى: "بصراحة هو مابسهاش.. بس شكل قعدتهم فيه استلطاف، لما شخط فيا قلت أكيد فيه حاجة".
وعن علاقتها بالقطط قالت سهير :"ما كنتش بحب القطط، ولما جاتلي قطة واحدة، بقى عندي دلوقتي 33 قطة، لأني عشرية، وهم مبوظين لي حياتي وعمري كله، مش بقدر أسافر ولا أروح ولا أجي غير لما أكون مظبطة كل حاجة ليهم".