كشفت الديفا اللبنانية هيفاء وهبي تفاصيل المفاجأة التي أعدها لها أصدقاؤها بمناسبة عيد ميلادها، ونشرت الديفا على صفحتها الشخصية على إنستجرام قائلة: "يوم 7 مارس" كان المفروض عندي حفلة "بمصر" لشركة المفروض عم يحتفلوا باليوبيل الفضي في فندق هيك قالولي، ومتفقين من حوالي شهر أني رح غني فيها وبعدين برجع على لبنان كرمال عيد ميلادي يوم "10 مارس". المهم.. حضرت حالي بالأوتيل ونازلة على مكان الحفلة ف شخص قدملي بوكيه ورد فوق على باب المصعد فقلت لمدير أعمالي وحبيب قلبي" محمد "معقول فوت عالحفلة ب بوكيه ورد ؟????????خليون يفوتوها عالغرفة???? قللي نو عادي انا باخدا منك... أوكي ونازلين عالحفلة وانا متوترة وفتح باب المصعد وإذ بلاقي زفة مش عادية قلت يمكن مبسوطين فيي ????????و فجاة محمد بيقللي happybirthday!! طبعا أنا بلأول ما استوعبت قلتللو شو هابي بارذدي؟ وين ال ميكرو؟ ???? يعني ما في مسرح؟ مش هغني؟ دخلت القاعة محمد قللي" ماما"هنا ???? كل سنة وانتي طيبة???? وتركني اكتشف لحالي شو عم بيصير! لقيت كل أصحابي من كل مكان من "لبنان" ومن "مصر" موجودين في الحفل وعمبيصرخوا surprise طبعا انا بلأول ما استوعبت وحسيت بدي ابكي بدي اضحك شعور ما بينوصف وانا بعدني عمبقللو ل محمد يعني مش هغني؟ ????و هو يقللي بالمصري: بقلك surprise ماما هنا واخواتك هناك واصحابك هنا دي ليلتك انبسطي وفعلا كانت ليلة من العمر !! شكرا لكل أصحابي على الفجأة الحلوة. شكرا "محمد وزيري" لأنك عطول بتخليني مبسوطة حتى بأصعب الأوقات شكرا للي بيحبوني، وشكرا لكل الأمنيات الحلوة اللي ما وقفت، وشكرا لكم الحب الهائل اللي عمشوفو من الفانز أنا بحبكن كتير الله ما يحرمني منكم.
