قال عمر جابر نجم الفريق الاول لكرة القدم بنادي الزمالك في أول تصريح له عقب مذبحة الدفاع الجوي التي وقعت بالأمس وراح ضحيتها 22 مشجعًا من جماهير النادي أنه لن يلعب للزمالك مرة أخرى. وأضاف جابر في تصريحات تليفزيونية: "الزمالك وقفني وفسخ عقدي علشان امتنعت عن اللعب، وأنا أخدت قرار في الأتوبيس قبل المباراة إني مش هالعب خلاص للزمالك، وكان عقدي 3 سنوات وبمبلغ قليل جدا، معايا شيك هيتصرف يوم 15 فبراير كنت ممكن ألعب وأؤمن مستقبلي لأني متجوز من فترة ومراتي حامل، وأخد الفلوس وخلاص". وتابع: "أنا بستأذن الزمالك هديكم الشيك مش هقدر أكمل في النادي الفترة دي وفي المقابل أريد عقودي، ومش هقدر ألعب في الزمالك تاني خالص، بسبب حاجات كتيرة، وبقول لمجلس الإدارة مش عايز فلوس". واختتم: "أنا أهم حاجة عندي نادي الزمالك، وبلعب فيه وأنا عندي 5 سنوات، وعيلتي كلها زملكاوية، أنا بعشق الزمالك وجمهوره فوق رأسي من فوق".