أعلنت والدة الطفل جان رامز، أن العائلة ستتقدم ببلاغ ضد مروجي شائعات وفاة طفلها الفنان الصغير. وأكدت والدة الطفل جان رامز في تصريحات خاصة لبوابة اخبار اليوم، أنها لا تعلم مصدر هذه الشائعات، وأنها صدمت بشكل كبير بعدما رأت تلك الاخبار الكاذبة عن وفاة إبنها، وتابعت: «انا اتصدمت لما قريت خبر كدا وشوفت الصورة، بجد قلبي وجعني على إبني اللي لسه عنده 9 سنين، وكمان هما ليه وازاي يعملوا كده؟، شائعات الوفاة ماسابيتش كبير ولا صغير، والموضوع زاد عن حده أوي". وأكدت: «باباه هياخد إجراء قانوني حالًا ضد أي صفحة وكل موقع نشر خبر وفاته بدون تأكيد، واحنا مش حابين نعلق على أي حاجة بالكلام، لان فعلا هانقاضي كل المواقع الصفحات اللي عملت الخبر بالمزيف ده». واختتمت: «جان شاف الصورة اللي على الخبر، ومن عبدها نفسيته تعبانة ومتضايق جدا، وسألني هما ليه قالو كدا ياماما، وطبعا تعب قلبي أكتر وأكتر وخايفة الولد يحس ان الناس مش بتحبه بسبب موقف زي ده، وكمان اشمعنى هو الطفل الممثل الوحيد اللي طلعت عليه الشائعات دي او غيرها دون عن اطفال المجال الفني كله". أعمال جان رامز: ومن ناحية أخرى شارك جان رامز في مسلسل المعلم، بطولة مصطفى شعبان والذي عرض في رمضان 2024 وكان من تأليف محمد الشواف وإخراج مرقس عادل وشارك في العمل كل من سهر الصايغ، هاجر أحمد، انتصار، أحمد فؤاد سليم، مفيد عاشور، أحمد بدير، أحمد عبدالله محمود، طارق النهري، سلوى خطاب، سلوى عثمان، منذر رياحنة، عبدالعزيز مخيون، عزت زين، فتوح أحمد، جيهان قمري، مفيد عاشور وآخرين.