شنت الإعلامية رضوى الشربيني هجوماً لاذعاً على الفنان حسام حبيب، عبر فيديو مباشر على صفحتها بموقع فيسبوك، وذلك بعد الأزمة الأخيرة التي نشبت بينه وبين الفنانة شيرين عبد الوهاب واعتدائه عليها بالضرب. رضوى الشربيني تواجه حسام حبيب وجهت رضوى الشربيني العديد من التساؤلات لحسام حبيب، متسائلة عن سبب تدخله بين شيرين وابنتها وسبب وجوده معها في الاستديو رغم عدم وجود رابط بينهما سواء كان عمل أو زواج. تصريحات رضوى الشربيني وقالت رضوى الشربيني: "اتعصبت لما شفت الموقف وكتبت كلمتين وبعدها قلت لنفسي ما اتكلمش في الموضوع ده، وهتفرج زي باقي الناس، إلا أنني فوجئت بالرسائل الصوتية لحسام حبيب، واللي فيها أسئلة تحتاج لإجابات، قال إنه لم يأخذ منها فلوس وعمري ما أخذت منها فلوس، ونحن كجمهور من حقنا نسألك". التدخل بين شيرين وابنتها وأضافت: "زي ما قرأنا أن حضرتك ما ضربتهاش وكنت بتحاول تشيلها من على بنتها، لكن بأي صفة؟ أنت لا زوجها ولا خطيبها ولا أبوها، بأي صفة بتحوش بين شيرين وبنتها؟ لماذا تدخلت عندما استدعى أخوها عشرين بلطجي لإنقاذها؟ على الأقل وقتها ما شفناش وشها متشلضم". حسام حبيب والرسائل الصوتية تابعت رضوى الشربيني: "تاني سؤال بأي صفة موجود هناك؟ سمعنا أنك تبارك ليها علشان خطوبتها وقررت تعمل أغنية لتبارك لهما، لكن أين الأغنية يا حسام؟ لم نسمع سوى الرسائل الصوتية". التحدث باسم شيرين أكملت: "طلعت المتحدث الرسمي باسم شيرين بأمارة إيه؟ هل خطيبها موافق ولا مفيش خطيبها أصلاً؟ ما موضوع الرسائل الصوتية اللي تتسرب من هاتفك وأنت لا تعلم؟ نحن لم نسمع أغانيك بل فقط الرسائل الصوتية". مصدر الدخل وأردفت: "بأي صفة كنت بتحوش بين أم وبنتها؟ قلت إنك مش بتشتغل معاها وآخر فويس نوت تقول فيها مخدتش فلوس من شيرين ومفيش أي معاملات بينكم، لا بتشتغل معاها ولا خطيبها ومش صحاب. كنت في الاستديو ليه؟ بقالك خمس ست سنين بتصرف منين؟". الرسائل المسربة واستكملت: "الفويس نوت تتسرب من عندك وشيرين هي اللي بطحت نفسها، وأنت الملاك الحارس اللي في حياتها وهي شيطان، طيب، أنت موجود في حياة شيرين ليه؟ ما اشتغلتش معاها وليك عندها فلوس؟ بقالك خمس ست سنين بتصرف منين؟". تصوير شيرين وهي منهارة وأضافت: "بتقول انك محترم؟ فيه راجل محترم يصور الست اللي منهارة؟ إيه يخلي راجل يجيب تليفون يصور واحدة وهي منهارة؟". ختاماً واختتمت: "إنت في حياة شيرين تحت أنهي مسمى؟ بتجيب فلوس منين؟ طالما مش شغال معاها، وفي حالة كنت شغال معاها كنت بتاخد نسبة كام؟ ولماذا اتهمت أخوها والشركة إنهم نصابين علشان أخدوا منها نسبة؟".
